Vieiros

Esmagadora vitoria dos convervadores do FIDESZ na primeira volta das eleccións lexislativas en Hungría. Os socialistas do MZSP, logo de oito anos de goberno caen a só un 19,3% dos votos (obtiveran un 43,2% nos anteriores comicios), mentres o FIDESZ ascende ao 52,7% dos sufraxios (logo do 42% anterior). De xeito significativo, a ultradereita do Jobbik chimpa ao 16,7% (na anterior elección non pasara a barreira do 5% necesaria para acceder á Cámara húngara). Atrás de todos eles, a esquerda ecoloxista do LMP quedou no 7,4% dos apoios.

Participou arredor do 60% dos oito millóns de electores, un par de puntos por baixo da anterior cita coas urnas. A inxección económica solicitada polo executivo hai apenas dous anos a UE, FMI e Banco Mundial para frear a grave situación das finanzas do país, a taxa de desemprego máis elevada dos últimos quince anos (11,4% da poboación activa) e a forte contracción económica (-6,4%) están entre as explicacións da conxuntura económica coa que se chegaba a estes comicios.

Recomendámoslles ampliar en:

• BBC