Vieiros

Vieiros de meu Perfil


Edición xeral

RSS de Edición xeral
Eleccións en Renania do Norte-Westfalia

A coalición de Merkel perde a maioría nun estado clave e no Senado

Aínda que foi a formación máis votada, a CDU só conseguiu 6.200 votos máis (0,1%) que o SPD (socialdemócratas). A axuda a Grecia, posíbel causa.

Redacción - 10:30 10/05/2010
A chanceleresa alemá, Angela Merkel

A chanceleresa alemá, Angela Merkel

Os alemáns castigaron este domingo a coalición de dereita da chanceleresa Angela Merkel, a CDU, nos comicios dun estado crave, privándoa da maioría na cámara alta do parlamento federal, o Bundesrat, de representación territorial.

A perda das eleccións no estado de Renania do Norte-Westfalia (Nordrhein-Westfalen, en alemán) é un golpe para Merkel seis meses logo de asumir o seu segundo mandato e significa que terá que depender de partidos da oposición para cumprir coa súa axenda política, que inclúe recortes fiscais.

Aínda que foi a formación máis votada, a CDU só conseguiu 6.200 votos máis (0,1%) que o SPD (socialdemócratas). Isto significa que só o apoio dos Verdes permitirá gobernar. A dirección do SPD, ademais, non ve ben unha alianza co partido Die Linke ("A Esquerda"), que sumaron o 5,6% do sufraxio, do "traidor" Oskar Lafontaine.

Outra opción para o futuro goberno en Dusseldorf é unha gran coalición, mais segundo os analistas políticos parece improbábel polo menos polo momento.

As eleccións foron amplamente consideradas como un referendo para o goberno de Merkel, só dous días despois que a súa coalición apoiase no parlamento liberar miles de millóns de euros en axuda para Grecia, unha medida profundamente impopular entre os seus votantes.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: