Vieiros

Vieiros de meu Perfil


Canal Verde

Xestionado pola Federación Ecoloxista Galega e Vieiros
RSS de Canal Verde
Día Mundial do Medio Ambiente

'O noso territorio, a nosa identidade'

Asociacións ecoloxistas do país concéntranse na Praza do Obradoiro este domingo para denunciar o urbanismo depredador e as políticas de ordenación territorial.

Redacción - 09:30 05/06/2010

Asociacións ecoloxistas do país convocaron unha concentración para este domingo ás 12.00 horas na Praza do Obradoiro de Compostela con motivo do Día Mundial do Medio Ambiente, que se celebra este sábado.

Baixo o lema O noso territorio, a nosa identidade pretenden denunciar a través dunha performance as consecuencias do urbanismo depredador e das políticas insustentábeis de ordenación territorial, escenificando a venda dunhas promocións urbanísticas en lugares emblemáticos do país.

Así, por exemplo, na Praza do Obradoiro pensan "edificar" uns chalés de paredes medianeiras e un cámping. Para colaborar na performance recomendan acudir con chalecos reflectores ou con fundas de obra ou con casco, así como outros materiais de construción ou mesmo tenda de campaña.

Ademais, as asociacións convocantes, ADEGA, ANABAM, CEMMA, FEG (integrada por ADEGA, ADENCO, APDR, Asemblea do Suído, CES, Coto do Frade, Guerilleiros das Fragas, Hábitat, Luita Verde, MEL, Naturviva, Néboa, Niño do Azor, Oureol, Vaipolorío, Verbo Xido, Verdegaia, Xevale), SGEA, subscribiron un manifesto (.pdf/1.78MB).

'Moitas Especies. Un Planeta. Un futuro'

Pola súa banda, Amigos da Terra, nun comunicado enviado aos medios, demandou con motivo deste Día Mundial do Medio Ambiente -declarado pola ONU e que este ano elixiu como lema Moitas Especies. Un Planeta. Un futuro- o cumprimento real da lexislación ambiental existente, como un dos mecanismos primordiais para frear a perda de biodiversidade.


4.23/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: