Vieiros

Vieiros de meu Perfil


Edición xeral

RSS de Edición xeral
MÁIS DENUNCIAS

Gloria Lago pide no xulgado que Galiza Nova a indemnice con 30 mil euros por tela “deshonrado”

A presidenta de Galicia Bilingüe acusa ás mocidade do BNG de ter desacreditado o seu labor como profesora.

Redacción - 10:30 27/06/2010
Lago considera que Galiza Nova atacou a súa honra

Lago considera que Galiza Nova atacou a súa honra

O colectivo Galicia Bilingüe segue a entrar nos xulgados con facilidade. Este sábado, a organización política Galiza Nova deu a coñecer que a presidenta do colectivo contra a normalización, Gloria Lago, presentou unha demanda xudicial contra as mocidades do BNG. Segundo explicou a súa secretaria xeral Iria Aboi, a denunciante reclama 30 mil euros por deshonra pública.

A demanda ten que ver cun suposto delito que tería constituído o reparto dun boletín ás portas dun instituto de Vigo. No panfleto recollíanse críticas de estudantes e profesores ao labor profesional da presidenta de Galicia Bilingüe.

Aboi subliñou que en ningún momento Galiza Nova buscou danar a honra de ninguén: “senón poñer en coñecemento da opinión pública as actitudes hostís contra a lingua galega” que practicaría Lago dende o seu posto de profesora de ensino medio.

Dende Galiza Nova fixeron un chamamento á cidadanía para que participe nunha concentración que terá lugar diante dos xulgado de Vigo o vindeiro día 1 de xullo, ás 10 horas, cando está previsto un primeiro acto de conciliación.

Podes ver aquí o comunicado feito público esta fin de semana por Galiza Nova.


1.58/5 (19 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: