Debe demitir o Valedor do Povo?
O certo é que o interrogante que serve de cabeceira deste artigo é unha cuestión de absoluta actualidade, tralas sorprendentes declaracións de Benigno López González, que é o recentemente nomeado, por acordo unánime do Parlamento de Galiza, novo Valedor do Povo.
En dúas entrevistas o Valedor despachabase a gusto en relación a cuestión idomática, afirmando a idiotez de que "Se a un neno se lle suspende polo galego, logramos que lle colla odio", en referencia ao decreto do galego no ensino, ou que "usar o galego na Xustiza, se non se domina, pode resultar perigoso".
Obviamente o perigoso é que sexa a persoa que ocupa unha institución tan relevante como é o Valedor do Povo quen diga tal fato de insensateces que non só indican a máis absoluta insensibilidade co idioma, como soporte identitario do povo do que é valedor, senón que van na dirección contraria do que establece o actual marco xurídico e lexislativo en relación á normalización do galego, e contra todo sentido común.
Se cadra o máis grave é que esas desnortadas reflexións de Benigno López González, entran en directa colisión coas funcións que a institución que representa ten establecidas como alto comisionado do Parlamento de Galiza encargado de vixíar o exercicio dos dereitos e liberdades e en xeral co obxecto de coñecer o pleno respecto á lei e o dereito. Máxime cando o actual Valedor foi maxistrado da máis alta instancia xudicial galega. Como é natural as declaracións do Valedor desataron unha intensa polémica institucional, política e social.
Colectivos como A Mesa pola Normalización Lingüística ou o Movemento polos Direitos Civís, e tamén o Grupo Parlamentar do BNG, xa lle exixiron a Benigno López a súa rectificación formal, que a día de hoxe non se produxo. Pola súa banda a CIG reclama a súa demisión, mentras Pérez Touriño limitouse a dar un suave toque de atención.
Volvamos á cuestión inicial. Perante estas declaracións e a situación xerada, apenas semanas despois do seu nomeamento, ¿debe demitir o Valedor do Povo? Non existiría ningunha dúbida de que a súa renuncia é indispensábel se no canto de verquer esas afirmacións sobre a cuestión idiomática, soltase tonterías semellantes arredor doutros asuntos.
Por exemplo: se o Valedor do Povo insinuase que o principio de igualdade debe aplicarse con moderación xa que implica riscos de discriminación cara os homes, ou se dixese que hai momentos nos que se debe flexibilizar o exercicio dos dereitos civís para posibilitar unha maior seguridade en referencia ás brutais cargas policiais en Ferrol, nesos casos ¿alguén dubidaría que Benigno López non pode ocupar o posto de Valedor do Povo?
A diferenza radica en que López métese na cuestión idiomática, que inda hoxe cos avanzos conquistados no marco lexislativo, segue a entenderse por algúns como un asunto ideolóxico, de opinión, e non de dereito.
A resposta ao meu ver fica clara: se as afirmacións feitas nas citadas entrevistas forman parte das conviccións de Benigno López, ao marxe, e independentemente de que faga ou non unha rectificación pública e formal, desacreditan a este para exercer a responsabilidade institucional para o que foi designado pola sede da soberanía popular galega, e debería apresentar de inmediato a súa renuncia.
Pero se non o fai debe ser o Parlamento quen lle retire a súa confianza e proceda ao seu cese.
Do contrario parecerá a todas luces que cando falamos do idioma, da súa normalización e dos dereitos que a ese respecto temos todas/os as/os galegos, estamos a falar dun asunto menor, intrascendente ou baladí. E non o é.
Comentarios (8)
Non vos creo que un incapaz, non só para Valedor do Pobo, senón tamén para ser maxistrado (se ten que exercer algún deses cargos é mellor que non exerza de maxistrado) deba expresar ningunha rectificación formal se foi escollido unanimemente polo tripartito parlamentar (BNG, PSOE, PP); pois, as manifestacións dun incapaz negando a súa incapacidade carecen de eficacia.
O que teñen que facer os do tripartito parlamentar évos declarar a MANIFESTA INCAPACIDADE do Sr. Benigno López González para o cargo de Valedor do Pobo, recoñeceren así o seu erro de vulto e procederen á escolla de outra persoa idonea para a alta comisión ou encomenda de defensa dos dereitos fundamentais dos galegos nas súas relacións coas Administracións públicas.
Claro que os do tripartito parlamentar tamén poden demitir eles, ou arredaren dos seus cargos públicos os membros dos seus grupos parlamentares que incorreron na irresponsabilidade de escolleren un iusanalfabeto lingüístico para o cargo de Valedor do Pobo!
O que non vos procede é pretender pedir,esixir, esperar,....rectificacións formais do Sr. Benigno por parte de quen o escolleron e para mascararen a súa irresponsabilidade na escolla.
O outro já era lamentável, mas aqui os do bipartido + PP conseguirom o que parecia impossível: piorar, escolher um partidário do genocídio lingüísitco e um analfabeto para ocupar o posto de "Burlador del pueblo". Uma marionete mais ao serviço do culturicídio espanhol. Que nojo dades, parlamentarinhos, pois este senhor é só um reflexo da vossa paranoia anti-galega e da vosso encanalhamento.
Cada quem tem o que merece.
Máis perigoso é usar a Xustiza se non se domina, como lle ocorre a moitos maxistrados que exercen no noso país. É o caso concreto do uso do galego. ¿Ou o uso do galego non é de Xustiza?.
Comparto amplamente o contido do artigo de Xavier Pérez.
Bom, não é difícil concordar, nem opinar, nesta questão do Valedor. Há pouco que argumentar aqui, pedir a demissão deste personagem, e pronto.
... " a día de hoxe non se 'produxo'", diz o autor do artigo :-(
A min o que me chama a atención é o comedido da reacción do bloque. ¿Será que non queremos recoñecer que nos colaron un gol ou e que xa sabíamos a que íamos? Francamente: decepcionado unha vez mas.
Lo realmente peligroso, idiota, insensato o desnortado, por utilizar sus propios calificativos, aparte de totalitario y fascistoide, que se los añado yo, es considerar la lengua, la gallega en este caso, "como soporte identitario do povo".
Francisco Franco estaría en todo caso orgulloso de usted.
Por tanto, no. No debe dimitir. Quien debería dimitir sin embargo es el caradura de su jefe, Santi Domínguez, que en un concello en el que según él no había "cartos" ni para pagar las nóminas, sí ha encontrado en tan solo dos semanas 49.000 euros para irse de viaje con varios amiguetes a Bangkok en plena temporada alta y con cargo al erario público.
O puestos a dimitir por entrometerse en los derechos lingüísticos de los gallegos, que dimitan los totalitarios Quintana y Touriño que quieren imponernos el gallego por ley.
El problema de Cataluña se soluciona enviando para allí la mierda del resto de España (Miguel Primo de Rivera)
O troll este está cada vez mais furioso e semelha cum can danado que cuspe toda a sua doença contra todo o que lhe lembre a Cultura desta terra. De ti, por exemplo, estariam orgulhosos os ingleses, que praticamente detruirom ou quase as línguas de Irlanda, Cornualles e Man. Mágoa que a baba liberal nom seja como a do caracol, que dizem que tem propriedades estéticas.
Novo comentario
Se xa tes o teu nome en Vieiros, podes acceder dende aquí:
Xabier Pérez Igrexas
Xabier Pérez Igrexas (Vigo, 07/08/1984) é ex-secretario xeral dos Comités Abertos de Estudantes e foi Responsábel Nacional de Ensino Meio da Dirección Nacional de Galiza Nova (organización xuvenil do BNG). Foi membro do Consello Escolar de Galiza e representou aos CAE no Consello da Xuventude de Galiza. Pertenceu ao Consello Local e Comarcal do BNG de Vigo.
Máis opinións
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto