Vieiros

Labrego o último

A evolución do mercado europeo e do sector lácteo está a poñer ao borde da creba ao medio rural. Neste sector endebedado é a hora de facer política de altura. Tal como recentemente se reclamaba desde o sindicato labrego galego ao goberno entrante na Xunta, precísase un plan de choque para enfrontar unha situación insostible. Números cantan: algúns gandeiros están vendendo o seu leite a dezaseis céntimos o litro para ser transformado en leite en po, cando producir un litro de leite ten un custe medio que pasa dos 30 céntimos.