Blog
Música contra a depresión
Desde Irlanda, Edilberto Alonso fainos saber da entrevista que, como "modesto trovador", lle acaban de facer. Podedes lela aquí.
Entre outras cousas, define o seu estilo como "pop antidepresivo", anuncia a inminente publicación dun disco e avisa da súa intención de converter un dos seus últimos catro temas gravados en "canción do verán".
Até logo Gael!
Este venres despedímonos de Gael, entre outras cousas: xornalista, músico e vigués. Marcha pra terras tropicais a enredar noutros desafíos.
Snif, sorte en todo compañeiro, e carpe diem!
Podedes ver unhas fotos no flickr de Vieiros.
A violencia cos animais e a tv
Recibido na caixa de correo:
"Os medios publicos de comunicación mófanse da tortura animal
O pasado 23 de maio poidemos ver no programa Son de Estrelas da TVG, televisión pública pagada por todos os galegos e galegas, como un menor de idade utilizaba unha escopeta de balíns para disparar a un gato, baixo a mirada compracente e entre as bromas dun grupo de xente que alí se atopaba. O feito non ten nada de inxenuo, pois alguén advertía que non se gravasen as imaxes e que se tivese coidado co SEPRONA. Boa educación á que lle están transmitindo a un neno!
De pouco vale o traballo das asociacións de protección animal se os medios públicos difunden estas imaxes sen nengún tipo de crítica nen censura, e mesmo bromeando sobre a situación.
Por todo isto, a Asociación pola protección animal Abeiro vai denunciar ante o SEPRONA e ante a consellaría de Medio ambiente aos autores de acto tan detestábel, e estudará a posibilidade de facer o mesmo co programa SON DE ESTRELAS e a súa presentadora.
Inicialmente esiximos unha rectificación pública da TVG, e o cese inmediato da presentadora polo seu comportamento inadecuado, bromeando ante o feito dunha agresión tan salvaxe a un animal indefenso. Feitos tan detestábeis non poden quedar impunes, nen moito menos ser difundidos sen crítica polos medios de comunicación, moito máis grave ainda se son de titularidade pública.
Susana Romero
Asociación Abeiro"
Algo terá que acabar pasando en Ferrol
O martes pasado contámosvos disto: en California vetan unha gaseira, malia que estará varios quilómetros lonxe da costa. Consideran que aínda así non cumpre cos requerimentos. Mentres, en Ferrol segue a loita contra a gaseira que lle meteron aos veciños a pé da casa. Do asunto fala tamén Perfecto Conde no seu blog: Croques.
"Ferrol non é California, nin San Felipe é Malibú. E moito menos o delegado gobernativo Manuel Ameixeiras é Arnold Schwarzenegger. Pero algo terá que acabar pasando en Ferrol"
Camiño de espiñas a Raxoi
O Roamobil descarrilou en días pasados.
Recomendámoslles ler no Galpón de Breogán o diario de Roa.
Sobre a "oitava cidade"
Recibido na caixa de correo:
"Hoxe lim no bemquerido Vieiros um artigo relacionado co que vos chamades oitava cidade galega, Vilagarcia de Arousa.
Xeración web: outro reforzo para o xornalismo dixital galego
Desde o ámbito da prensa tradicional, o Grupo Progreso segue o ronsel de novidades, e despois de poñer na rúa o primeiro gratuíto en galego, alumean unha interesante proposta no ámbito dixital. Xeración web está na rede desde hai uns días, integramente na nosa lingua, e con varios coñecidos do blogomillo na redacción. Parabéns e benvidos!
Open.Vieiros: que nos contas?
Aló a comezos de marzo explicabámosvos algunhas das novidades do novo Vieiros. Varias delas foron chegando nestes meses. E unha das promesas está activa desde este mesmo xoves: velaí a versión beta do Open.Vieiros.
Flickr
Del.icio.us
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto