O voceiro do Ministerio de Defensa francés anunciou que Iaser Arafat entrou esta noite en coma profundo. O encargado de emitir os comunicados médicos, co permiso da dona do líder palestino, Suha Arafat, advertiu que "isto marca un paso máis na evolución do seu estado de saúde que non pode ser determinado". Con todo, está previsto que esta tarde o primeiro ministro palestino Ahmed Qurei (Abu Ala), o secretario xeral da OLP, Mahmud Abbas (Abu Mazen), o ministro de Asuntos Exteriores palestino e o presidente do parlamento visiten a Arafat no hospital militar de Percy onde está ingresado desde o 29 de outubro.