Vieiros

Primeiro foi a oposición no Parlamento e agora son os propios xornalistas os que se pronuncian contra dos concursos da TDT e da radio dixital. O Colexio Profesional de Xornalistas de Galicia manifesta que a concesión de licenzas neste momento é "un acto antidemocrático de abuso de poder co obxectivo de buscar a blindaxe mediática do partido que goberna". Para o CPXG as présas da Xunta son inxustificadas e ademáis poden "hipotecar" o futuro do escenario mediático galego se non hai garantías democráticas en todo o proceso de concesión dos novos programas de radio e TDT. Entre esas garantías os xornalistas colexiados destacan o aprazamento das concesións ata que o novo parlamento estea constituído e a creación dun Consello Superior do Audiovisual "independente do poder político".