Vieiros

Os galegos, de nacemento e de corazón, de todo o mundo, que teñan unha bitácora e que o desexen poden deixar o venres un pequeno texto de homenaxe que lembre a obra e a personalidade de Carlos Casares. Segundo o promotor da idea, a columna que escribía a diario Casares en La Voz de Galicia foi precursora dos actuais blogs e mesmo recibía comentarios dos lectores.

Tamén lembra o autor d'As uvas na solaina que o escritor nado en Xinzo de Limia era un apaixonado dos trebellos, das novas tecnoloxías e do mundo da internet.