Vieiros

Vieiros de meu Perfil


Edición xeral

RSS de Edición xeral
Os unionistas lograron o 30,1% e os nacionalistas o 26,2%

O DUP e o Sinn Féin acadan máis da metade dos sufraxios no Ulster

Os dous partidos deberán de chegar a un acordo de goberno denantes do 26 de marzo, se non queren ver suspendida definitivamente a autonomía en Irlanda do Norte. A alianza semella moi difícil.

Redacción - 18:30 09/03/2007
Os unionistas de Ian Pasley acadaron un excelente resultado / lewishamdreamer

Os unionistas de Ian Pasley acadaron un excelente resultado / lewishamdreamer

Os unionistas (Democratic Unionist Party) do reverendo Ian Paisley e o Sinn Féin de Martin McGuinness confírmanse como as dúas principais forzas políticas en Irlanda do Norte, logo do reconto final de papeletas da votación para elixir a Asemblea lexislativa de Belfast.

O escrutinio final coñeceuse no serán da sexta feira. O DUP acadou un excelente resultado ao se facer con 36 deputados, seis máis dos que tiña, co 30,1% dos votos (207.721). O Sinn Féin levou o 26,2% (180.573), o que lle supón 28 asentos da cámara, catro máis que nas anteriores eleccións. A Asemblea do Ulster está formada por 108 representantes.

O gran prexudicado foi o moderado Partido Unionista do Ulster, UUP, que perdeu nove deputados e fica con 18. Outras formacións que acadaron representación foron os nacionalistas socialdemócratas do SDLP (16 deputados), os non-sectarios do AP (7), os verdes do Green Party (1) e os unionistas de esquerdas do PUP (1).

26 de marzo, data límite
Os dirixentes do DUP e do Sinn Féin, que atesouran máis da metade dos votos da rexión e distanciados de xeito considerábel do resto de partidos, deberán de chegar a un acordo de goberno antes do 26 de marzo.

Esta é a data límite estabelecida polas autoridades británicas, que de non se cumprir provocaría a suspensión definitiva da autonomía en Irlanda do Norte. Os executivos inglés e irlandés asumirían conxuntamente a súa tutela de chegar o caso, situación hipotética que, se agarda, impulse a negociación.

Asúmese, ademais, que a boa actuación dos unionistas radicais axude a que os de Paisley opten por forzar o acordo mais que por levar a cabo unha táctica de delación.

Porén, tras se coñecer os primeiros resultados, o líder unionista mantiña a súa actitude de non negociar co seu potencial compañeiro de coalición Martin McGuinness, do que dixo que "cómpre que se converta á democracia".

Foto de lewishamdreamer


Ligazóns

4.83/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: