Vieiros

Segundo fontes policiais, dous dos ataques terroristas foron perpetrados con coches bomba e outro foi levado a cabo por un suicida. A explosión dun dos vehículos causou 19 mortes e 20 feridos na zona de “Al Masbah” no sur de Bagdad.

O ataque suicida rematou coa vida de dez xiís que viaxaban nun autocar logo de participar na cidade de Kerbala nunha peregrinación.

Os atentados sucédense logo de que este sábado o primeiro ministro iraquí, Nuri al Maliki, esixira a non intervención doutros estados na política do seu país "mediante o apoio a certas seitas, etnias ou partidos”.

Mentres, este domingo o Washington Post informa de que o presidente estadounidense, George W. Bush, concedeu un incremento adicional de 8.200 tropas para Iraq e Afganistán. 4.500 viaxarán até o país árabe, xunto cos 21.000 que o mandatario aprobou para o seu despregue o pasado mes de xaneiro.