Vieiros

Para o sábado 31, A Esmorga estrea o programa Jantares temáticos, cunha dedicatoria especial á cociña de Portugal. Dende as dúas da tarde, un máximo de 25 persoas degustarán olivas, enchidos e queixos como entrantes, bacallau á moda esmorgana como prato principal e pasteis de nata de sobremesa. Para beber, haberá vinho verde e tinto Dão. O prazo de inscrición remata a quinta feira 29 e o prezo do xantar será de dez euros.

A pasada fin de semana, a asociación, que forma parte da Coordenadora Galega de Roteiros, fixo un percorrido pola Raia Seca para comprobar as profundas vinculacións que existen entre as vilas galegas e portuguesas dos dous lados da fronteira. Durante o sábado e o domingo, visitaron distintos núcleos da zona, entre eles dous povos promíscuos, divididos entre os dous estados, degustaron a gastronomía da zona e asistiron a unha conferencia do historiador Dionisio Pereira.