Vieiros

Vieiros de meu Perfil


Máis Alá

Xestionado por Vieiros
RSS de Máis Alá
A da mellor literatura infantil e xuvenil

Tres novelas galegas na lista White Ravens

Entre as mellores obras infantís e xuvenís do mundo, a Biblioteca Internacional da Mocidade de Múnic escolleu este ano tres galegas: A princesa do Caurel, de Patacrúa; A sombra descalza, de An Alfaya; e Smara, de Paula Carballeira.

Redacción - 17:41 25/04/2007
Marc Taeger, Manel Cŕaneo e Óscar Villán. Foto: Kalandraka

Marc Taeger, Manel Cŕaneo e Óscar Villán. Foto: Kalandraka

A lista White Ravens, publicada pola Biblioteca Internacional da Mocidade de Múnic fíxose pública no marco da Feira do Libro Infantil e Xuvenil de Boloña. Nesta feira participa un stand cunha boa mostra da produción editorial galega, encabezado pola delegada provincial da Coruña da Consellería de Cultura e Deporte, Milagros Lantes.

A consellaría publicou, en colaboración con Gálix (Asociación Galega do Libro Infantil e Xuvenil), Children’s Book from Galicia, un catálogo de 94 títulos representativos da nosa literatura infantil e xuvenil. Nesta publicación, presentada en galego, castelán e inglés, tamén se ofrece información de ilustradores e escritores do país. A delegación de Cultura seguirá en Boloña até o 27 de abril, e por esta feira pasarán autores como María Reimóndez, Xosé Antonio Neira Cruz, Miguel Vázquez como representante de Gálix, e Manuel Pena Villar (Manel Cráneo) e Óscar Villán en nome da Asociación Galega de Profesionais da Ilustración (AGPI).

Son dezasete as editoriais galegas que exhiben a produción literaria galega en materia de conto, poesía, teatro, cómic ou libro didáctico para público infantil ou xuvenil: A Nosa Terra, Baía Edicións, Ediciós do Castro, Edicións do Cumio, Everest Galicia, Editorial Galaxia, Ir Indo Edicións, Kalandraka Editora, Nova Galicia Edicións, OQO Editora, Obradoiro, Tambre, Xerais, Rodeira, Sotelo Blanco, e Toxosoutos. Ademais de participaren no stand colectivo do departamento de Cultura, tres editoriais galegas teñen espazo de seu na Feira: Nova Galicia Edicións, Kalandraka e OQO Editora.


4.71/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



'A princesa do Caurel', de Patacrúa, editada en Oqo
'A princesa do Caurel', de Patacrúa, editada en Oqo
'Smara', de Paula Carballeira, editado en Kalandraka
'Smara', de Paula Carballeira, editado en Kalandraka