“A situación do galego no cinema é moi europea”
O filme, que se estrea este venres, é unha coprodución entre Galiza, Portugal, Dinamarca e Arxentina e rodouse en castelán.
Antón Reixa, durante a rodaxe de 'Hotel Tívoli'
Despois dunha longa espera, o venres chega ás pantallas de todo o Estado Hotel Tívoli, o segundo filme dirixido por Antón Reixa e que conta cunha manchea de actores do país entre o seu elenco. É unha coprodución galega, portuguesa, dinamarquesa e arxentina que trata sobre as vivencias e os sentimentos de moi diversos grupos de persoas, unidos por un chisqueiro que vai cambiando de mans. Despois das súas preestreas o mércores en Barcelona e o xoves na Coruña, o director, coguionista e produtor do filme amosouse sorprendido pola súa acollida, pois nun principio se concibira como un drama.
Vieiros: Como foi o proceso de creación do filme até a súa chegada final ás pantallas?
Antón Reixa: Foi un proceso lento por dous motivos: por unha banda, somos moi rigorosos e temos moito coidado na elaboración da película e, por outra, porque é unha coprodución internacional e resulta moi laboriosa de montar. Participan Galiza, Portugal, Dinamarca e Arxentina. Ademais, estiven enfermo durante a posprodución, o que alongou aínda máis a saída. Penso que é necesario que os proxectos maduren. Foi unha anécdota casual: unha sobriña lembroume que tiña que intervir nun acto de Intermón polo Día Internacional da Infancia. Eu esquecérao e non tivera tempo para preparar o discurso. Lembrei que o repertorio era un pouco obsceno, así que tentei inventar unha historia que remataba cuns nenos da rúa. Foi un desastre. Tiña que elaborala mellor. E aí comezou a evolucionar.
V: Hotel Tívoli rodouse en castelán, pero é posíbel facer cine en galego?
A. R.: É difícil facer cine en galego hoxe en día. Neste caso, porque é unha coprodución, pero tamén porque o financiamento depende en España moito das televisións, e hai o costume de que case todo se faga con son directo. Poderían ser con son directo en galego e dobradas, pero pénsase que sería un problema. Pero non é máis ca un prexuízo, porque se ve cine inglés dobrado. A situación do galego no cinema é moi europea: o idioma de rodaxe é un atranco. Para o mesmo con outras linguas con poucos falantes: o flamengo, as linguas nórdicas...
V: O filme estréase casualmente o mesmo día ca unha superprodución como Spiderman 3. Como pode competir Hotel Tívoli con semellante rival?
A. R.: Non hai un enfrontamento. Nós buscamos un lugar nas pantallas, pero en realidade non hai competencia entre dous filmes tan distintos. Ao final hai que pensar que o público va vai ver Spiderman 3 non vai ver Hotel Tívoli, e viceversa.
V: Como foi a reacción do público nos pases de preestrea, se é que iso nos pode dar unha mostra de como funcionará nas salas?
A. R.: Foi unha experiencia moi agradable. Non eramos conscientes de que o filme, en realidade, era unha comedia. Vimos que hai un efecto cómico moi alto. Nalgunhas escenas había minutos de gargalladas coas que non contabamos.
Novas relacionadas
Comentarios (4)
«A. R.: É difícil facer cine en galego hoxe en día. Neste caso, porque é unha coprodución, ...»
Nom pudo ter sido feita em galego por ser umha co-produçom? Da Galiza, Portugal, Dinamarca e Argentina. Mais de 50% foi financiado polos argentinos? Porque, caso contrário, é incompreensível o que diz Reixa.
A nom ser que coproduçom venha do grego 'koprós', excremento, esterco.
Mais incompreensível ainda é o que afirma a seguir:
«...pero tamén porque o financiamento depende en España moito das televisións, e hai o costume de que case todo se faga con son directo. Poderían ser con son directo en galego e dobradas, pero pénsase que sería un problema.»
Se na co-produçom entrou algumha TV como a TVG ou obtivo algum tipo de financiamento público, como é que nom lhe exigírom a rodagem na nossa língua? E por outro lado ninguém lhe está a perguntar pola dobragem para outras línguas, mas pola possibilidade de se fazer cinema em galego.
A resposta de Reixa à pergunta de Vieiros mais parece umha péssima desculpa do que outra cousa.
Por certo, que o título da notícia é absolutamente confuso, mais ainda se se lê o subtítulo:
«A situación do galego no cinema é moi europea»
«O filme, que se estrea este venres, é unha coprodución entre Galiza, Portugal, Dinamarca e Arxentina e rodouse en castelán.»
Tes razón no que dis, pero os filmes nos que hai unha participación da CRTVG só están obrigados a que sexan dobradas tres copias en galego (non sei se se cumpre neste caso). A verdade é que é moi necesario un apoio forte á produción audiovisual en galego (e unha actitude máis positiva por parte dos produtores).
Se nom existe atitude positiva por parte dos produtores, é o governo o responsável. Porque se dá dinheiro à produçom de filmes onde se despreza a nossa língua? Nem um cêntimo. Que é isso de três cópias em galego? Como se os galegos fôssemos uns índios aos que há que contentar, mas mantê-los na sua reserva. A obriga do governo galego é promover o nosso cinema.
E se querem rodar em espanhol, que vaiam rodar a Madrid ou a Buenos Aires.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto