Vieiros

Vieiros de meu Perfil


Galego.org

Xestionado por Vieiros
RSS de Galego.org
Na presentación dun seu libro

O vicedirector da RAE di que a situación lingüística no franquismo era "menos grave" cá actual

"Nas comunidades autónomas con lingua propia non se pode aprender o español nas escolas", sinala Gregorio Salvador.

Redacción - 13:20 11/05/2007
Gregorio Salvador, acompañado por Arturo Pérez-Reverte

Gregorio Salvador, acompañado por Arturo Pérez-Reverte

O vicedirector da Real Academia Española, RAE, Gregorio Salvador, criticou que "nas comunidades autónomas con lingua propia non se pode aprender o español nas escolas". Ademais, sinalou que esta situación "é máis grave" que a imposición que houbo durante o franquismo do ensino exclusivo en español.

"Impor, como se fixo na ditadura, unha lingua que falan 400 millóns de persoas, é menos grave para as vítimas do atropelo que imporlles, como se fai agora, unha lingua dun millón e medio ou de tres millóns de falantes", engadiu.

"As linguas non son iguais"

Gregorio Salvador fixo estas declaración na presentación dun seu libro, acompañado polo escritor e académico español Arturo Pérez-Reverte. "Parece mentira que non se lle poña remedio a esta situación, porque é un atentado contra os dereitos humanos", dixo.

Na súa opinión, impor a ensinanza das linguas cooficiais aos que non as teñen como idioma materno sería "volver aos tempos pasados", e engadiu que "as linguas non son iguais; serven fundamentalmente para se comunicar, e non é o mesmo unha que permita facelo con tres millóns de persoas que outra que serve para falar con 400 millóns".


1.53/5 (15 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: