'Linguas cruzadas': documental sobre a mocidade e o idioma
Céntrase na vida de cinco menores de 30 anos que medraron aprendendo galego na escola e escoitándoo na televisión.
María Yáñez e Mónica Ares escribiron e dirixiron Linguas cruzadas, un documental que analiza a situación da lingua na mocidade e os diferentes fenómenos de conversión lingüística que se están a producir nos últimos anos. O traballo tenta responder a preguntas como cal é a lingua que emprega a xente nova, se se manteñen os estereotipos que marcan un idioma ou outro, se hai conflito e cal é o futuro do galego.
O espazo emitirase na Galega o Día das Letras pola tarde e redifundirase o sábado. Recolle as opinións de máis de 35 persoas, aínda que se centra en cinco delas: María, unha moza de Castro de Rei que pertence á xeración dos resistentes: falan galego, séntense orgullosos de facelo e non van renunciar á súa lingua.
Outro é o caso de Roli, coruñés que nunca fala galego aínda que o coñece, porque o seu contorno non emprega a lingua. Fer, tamén da Coruña pero que decidiu converterse ao galego cando comezou a estudar en Compostela: é un neofalante.
Andrés, de Bueu, amosa a situación da lingua nas vilas e a súa perda por non parecer “do monte” e pola escolarización en castelán. Por último, reflíctese o caso da xente que vén de fóra para aprender galego: Lilian, unha coreana de 21 anos.
O documental tamén ofrece o testemuño de tres grupos de pop do país: 6PM, Nadadora e The Homens. Está realizado por Xacobe Sineiro e producido por Control Z.
Comentarios (4)
Coido que xa é tempo de que espallemos unha idea elemental sobre o noso idioma: a lingua galega, coma calquera outra, son cartos, é economía, é capital social e crematístico de presente e -como non!!- de futuro. A pervivencia, proliferación e expansión da lingua galega achegará máis beneficios económicos para a nación e os seus habitantes. Pero o caso é que aínda hai moito pequeno, mediano/a e grande empresario/a que segue coa súa asneira da castra e doma, de non querer entender o máis que obvio: o galego elimina a subsidiariedade e a dependencia e, xa que logo,outórganos máis poder económico e, en consecuencia, máis poder político e máis poder social. A ver logo? É util ou non sermos galegofalentes?
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto