Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
acuatlón e triatlón

O novo campión estatal de acuatlón é d'A Coruña

O seu nome é David Castro, e corre no Fluvial Cidade de Lugo, que tamén se proclamou campión por clubes. Na fin de semana tamén competía Gómez Noya no Iron Tour 2007, onde vai de primeiro.

Redacción - 10:02 09/07/2007
Cartaz do Campionato Estatal

Cartaz do Campionato Estatal

David Castro foi o mellor na competición dos homes, e o Fluvial en homes e mulleres. A proba celebrouse na localidade de Pulpí (Almería).

O atleta coruñés, de 32 anos, percorreu antes que ninguén os 2,5 quilómetros a pé, logo un quilómetro a nado e xa de últimos, os 2,5 quilómetros ás carreiras cos que finalizaba a proba. O tempo de Castro foi de 29 minutos e 7 segundos, 6 segundos menos que o sevillano Samer Ali Saad e 14 segundos menos que Iván Tejero, de Jaén.

Entre os dez homes mellor clasificados, estaban tamén outros dous atletas do Fluvial: Jesús Gómez, que ficou quinto, e Gilberto Carlos González, que chegou xusto despois que Gómez.

Nas mulleres foi a barcelonesa Nuria Miró, do CN Reus Ploms, a mellor da compionato, seguida da sevillana, co Clube Fluvial tamén, María Pujol, e da vizcaína Zuriñe Rodríguez, do Canal de Isabel II.

Tres mulleres do Fluvial quedaron entre as dez primeiras da proba feminina. Ademais de María Pujol, Lara del Valle foi cuarta e Aida Valiño, quinta.

Gómez Noya non ten parada
Gañou xa a primeira etapa do Iron Tour 2007, unha proba internacional de triatlón que se desenvolveu nos contornos do parque de Disney en París. O actual líder do ránking mundial conseguiu o primeiro posto en dous sectores desta proba, chegando por diante de Filip Ospaly e de Cédric Fleureton.

No segundo sector, volveron chegar os tres igual, só que os outros dous mudaron as súas posicións, por detrás do galego. O ferrolán vai primeiro, seguido por Fleureton e Ospaly. Décimo está Antón Ruanova, duodécimo Borja Conde, Decimocuarto Iván Cáceres e decimoséptimo Alberto Trillo.

A seguinte proba desta competición celebrarase o 31 de xullo, coa presenza do combinado nacional galego, que tratará de manter o seu liderato nunha das probas más esixentes do calendario internacional.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: