Edición xeral
O PP compostelán quere que se prohiba o concerto de Muguruza
O concelleiro do grupo municipal popular responsábel da área de Festas, Ángel Espadas, pediu que se suspenda o concerto deste artista vasco no festival "Linguas Vivas", o 20 de xullo.
Segundo Espadas, "respecta a música" de Muguruza, pero considera que o concello non debe permitir un concerto seu "pola súa apoloxía do terrorismo". Muguruza volve aos escenarios logo de tres anos da última xira e da edición do disco Euskal Herria Jamaika clash. Neste momento, xunto a outros trece músicos, e baixo o nome de Talka Tour está de xira por todo o mundo. Canda eles, actuarán a italiana Banda Bassotti, os estradenses Nao, Boom club e o Dj Capita, chegado dende Poblanou.
O festival, organizado pola produtora Kamikaze, tivo a súa primeira edición o ano pasado na compostelá Sala Capitol. Este ano trasládase ao Multiusos Fontes do Sar. O obxectivo é o de consolidar un evento en que as bandas de diferentes procedencias se poidan expresar nas súas linguas.
Non é a primeira vez que se tenta censurar un concerto de Muguruza: no 2003, en Málaga, suspendeuse un concerto de Manu Chao en que interviña o ex Kortatu. Un ano despois cancelóuselle un concerto na sala Jai-Alai, de Huesca, outro en Valencia e outros dous en Madrid.
Comentarios (7)
Eso, eso. E todos e todas os do PSOE e do BNG que gobernan en Santiago, á cadea por apoloxía do terrorismo e por romper España.
Unha cousa máis. E o día do concerto identificar a toda a xente que vaia e que actúe contra elas a fiscalía.
Así, Angel, as "Espadas" sempre en alto.
En serio. ¿Este señor non ten outra cousa na que perder o tempo?. Non sabe que os homes e mulleres deste pais somos maiorciños para escoller o que queremos ou non queremos ver e escoitar. A súa proposta ten un nome: "censura". Debeu estar moi atento nas clases de Don Manuel.
Vaia... non tiña claro se ir ou non ao concerto, pero o Espadas este quitoume de dúbidas.
Manolo Escobar, Ramoncin, os triunfitos....eis TERRORISMO MUSICAL e nom há fiscal que defenda os interesses dos nossos ouvidos!!!
E q no seu luar traian a manolo escobar ou a unha folclórica q cante:
Que viva españa
La gente canta con ardor
Que viva españa
Si, esa españa q se dedicou a esmagar povos alá a onde foi, e aki segue sen aceptar q na península se falan outras linguas diferentes do castellano.
Ollo, non só o PP...
o goberno de Compostela xa ten prohibido e boikoteado meia dúcia de concertos de grupos de rock do País Vasco: berri txarrak, etsaiak, sociedad alkoholika e mesmo do Fermín. Por ser vascos e rojos!
Bugallo e AVT amordazan as actividades culturais do pueblo capitalino e contaminan o lecer dos nosos fillos coa cadena100. Para eles a música debe ser españolísima ou multiculturarra e buenrollista. Non se concibe que os vascos ou os galegos fagamos algo (rock, punk, reggae) que non sexa folklore.
Eis o nacionalismo que nos tocou.
Ai miña nai!! a estes do pepe váiselles cada día máis a perola.......buuuuuu, como vai o mundo.
Ai, ai, ai... que vaian tomando tila para que non se poñan nervos@s,ao ver a morea de xente que alí imos estar.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto