Vieiros

Vieiros de meu Perfil


Edición xeral

RSS de Edición xeral
No centenario do himno

"Mentres haxa himno, haberá país"

"Oficializa os sentimentos de Galiza como país", expresou o vicepresidente da Xunta, Anxo Quintana, durante a súa visita á Festa do Gaiteiro de Soutelo.

Redacción - 09:30 19/08/2007

"Expresa a loita dun pobo na defensa da súa identidade e da súa lingua", afirmou Anxo Quintana este sábado en Soutelo de Montes. O vicepresidente da Xunta comentou ao respecto que os versos de Pondal "axitan o espertar de Galiza como nación".

Así, Quintana, chamou a aproveitar o centenario da primeira interpretación oficial do Himno, que se celebra este ano, "para popularizar o Himno do noso país e que non haxa ningún neno nin nena de Galiza que non coñeza e saiba cantar os versos do bardo de Bergantiños". "Esta é unha das mellores homenaxes que lle podemos facer a personaxes coma o propio Avelino Cachafeiro, Eduardo Pondal ou Pascual Veiga", indicou durante a súa visita á XXVIII Festa do Gaiteiro de Soutelo.

"Ningún pobo pode ser quen de medrar adoptando a vía da renuncia á súa cultura", comentou por outra parte. "Este Goberno defende e comparte que todas as accións no eido da cultura teñen que encadrarse nun marco de recoñecemento, valoración e protección do propio", afirmou ao tempo que se laiaba de que os galegos "por desgraza somos herdeiros dunha terra que ten coñecido e padecido o autoodio". Por iso, reclamou que o "silenciamento" das nosas expresións culturais "ten que dar paso a un tempo novo no que academos unha nova realidade".


4.38/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: