Vieiros

A Consellaría de Educación aprobou a construción da Escola Superior de Arte Dramática, que terá a súa sede no polígono de San Paio de Navia, en Vigo. As instalacións terán unha superficie total de máis de 6.000 metros cadrados e o custo da primeira fase supera os 6,2 millóns de euros.

O orzamento distribuirase en dúas anualidades: unha primeira dun millón de euros, en 2007, e outra polos 5,2 millóns restantes, en 2008. O prazo de execución da obra será de 14 meses. A escola estará situada na Rúa Poza Cabalo, e seguirá o proxecto redactado polo arquitecto Santiago Catalán Tobía.