Vieiros

A pesares do número de medallas conquistadas, o campionato era dos atípicos, xa que non parecía máis do que unha proba de tempada, xa que os competidores estaban axustando o seu estado físico, preparándose para clasificarse nas categorías júnior e sénior.

As 2 pratas
Lúa Piñeiro obtivo a primeira nun combate cun 12-11 contra a actual campioa de España absoluta, a madrileña Sandra Lorenzo.

Juan Fernández gañou a súa prata contra o tamén actual campión de España absoluto, o valenciano José F. Ramirez.

Os 11 bronces
Foron para Katia Calvar, Laura Lorenzo, Crisanta Balado, Alba García, Pablo Carou, Borja Ríos, Manuel Barros, José Fernández, Daniel Torrado, Fernando Rascado e José A. Andrade.

As baixas da Selección Galega
Oscar Zinhi Seving do clube Luar de Ordes, David Pérez do Mat's de Marín e Manuel Barros do Mace Sport de Pontevedra viaxarán o vindeiro día 11 para o Centro de Alto Rendemento de Murcia nunha concentración da Selección Española Júnior, onde prepararán o Campionato Estatal que se celebrará na última fin de semana de outubro en Bakú (Acerbaixán).

A vindeira cita do Taekwondo Galego será en Ribeira, no Polideportivo Municipal de A Fieiteira, onde se celebrará o premio "Cidade de Riveira", para as categorías cadete e júnior.