Lendoiro podería abandonar o Deportivo a finais da tempada
Segundo informacións aparecidas a quinta feira nun xornal deportivo, o presidente do club coruñés podería deixar de selo en xuño.
O actual presidente do Depor, César Augusto Lendoiro
Podería ser en xuño cando Augusto César Lendoiro deixe de ser o presidente do Real Club Deportivo da Coruña.
Segundo publicaba esta quinta feira o diario As, o presidente do Depor podería abandonar o seu cargo de xeito "non traumático" para que o club poida ao fin facerlle fronte ás débedas que o perseguen.
Segundo este diario, Lendoiro reuniuse a pasada terza feira no Playa Club coruñés con directivos do Banco Gallego e Caixanova, dous dos principais acredores do club, para comezar a tratar da súa saída do Depor. O presidente deportivista estaba acompañado por Germán Rodríguez Conchado, asesor xurídico do club e o seu segundo na xestión da entidade.
O endebedamento do Depor
A capacidade de endebedamento do Deportivo xa chegou ao seu límite e cos ingresos que vai serrando non chega a facerlle fronte á débeda acumulada nos últimos anos, uns 136 millóns de euros. Unha das solucións que se barallan para terminar coa débeda acumulada é a ampliación de capital, un proceso no que o club coruñés xa está inmerso.
Abrir a entrada a inversores sería a chave para acadar o apoio dos bancos.En decembro deste ano o club celebrará unha súa asemblea na que se falará da despedida de Lendoiro.
O segundo tento
Este xa é o segundo tento de marchar que fixo Lendoiro. A finais do ano pasado xa quixo desligarse do clube, ante as queixas dos accionistas e afeccionados, uns porque perdían cartos e outros porque non gañaban nada. Mais daquela non puido marchar, porque as débedas poderían perseguilo, a el e a parte da súa familia, que traballa no club.
En decembro deste ano o club celebrará unha súa asemblea na que se falará da posíbel despedida de Lendoiro.
Ligazóns
Comentarios (13)
Pero saberase ben que pasa cos números do Deportivo antes de que marche?
Iso é porque sabe que o Deportivo vai descender este ano.
Un pouco tarde para abandonar, pero cos seus petos ben cheos. Miúdo lercho. A este non creo que lle dediquen unha rúa na Coruña.
¡¡A xuntarse con Caneda!!
Ogallá!
Os siareiros deportivistas estarémoslle eternamente agradecidos ó Sr. lendoiro. Nunha sociedade de mediocres como a nosa o feito de que alguén sexa ambicioso e acade obxectivos casi utópicos é para admiralo. O problema do Deportivo non é Lendoiro, senón a súa lamentable masa social (na que me inclúo), pois dunha ampliación de capital de 60 millóns € lanzada co equipo en semis de
Champions, so se cubriron 3 millóns. Xa nos lembraremos do Sr. Lendoiro cando o Deportivo sexa propiedade de algún tronado tipo Lopera e acabe co clube. MOITO OBRIGADO AUGUSTO. Beti Lendoiro.
Pois por moito que lembremos o suceso conseguido polo Depor en títulos, non creo que iso lexitime un modo de actuar e de xestionar un clube que é realmente patético. Xoel, ao lle dar a razón en todo a Lendoiro estás a lexitimar unha caprichosa, personalista e oscurantista ademais de errática xestión económica e deportiva que seguramente acabará coa desaparición da sociedade en pouco tempo.
Ao mellor os que non quixeron lanzarse a coller esa apliacón de capital de ¿60 millóns? tiveron o sentidiño que Lendoiro non ten. Eu non me arriscaría a tal salto económico se non confío moito no que o vai xestionar e Lendoiro non é das persoas que inspiren precisamente confianza. E mais cando o seu asesor legal e un chulo falanxista mamporreiro como Conchado.
" mais cando o seu asesor legal e un chulo falanxista mamporreiro como Conchado."
Por certo ¿onde obtería o título de Dereito? ¿na tómbola dos Cantóns nunha festa de María Pita?
Non se perde nada.
Así que a culpa téñena os coruñeses por non cubrir a ampliación de capital? ¡¡Manda carallo!!
Esa ampliación de capital fíxose porque o avogado Lendoiro fundiuse toda a pasta en fichaxes que non valían para nada. E agora quere fundirse a ampliación de capital no 1% do seu soldo.
Segundo a túa teoría Xoel, os alemáns deberían de estarlle eternamente agradecidos a Hitler por que os fixo ser unha super raza e os amos do mundo.
Prefiro un Deportivo en Rexional Preferente con xogadores galegos da canteira, que un Dépor en Primeira tirando o diñeiro en xogadores de fóra.
Como primeiro paso estivo ben, pero coa caída de Arsenio, acabouse o proxecto. Con Toshack xa se viu por onde lle ian os tiros a Lendoiro: orgulloso, ditador e "gilipollas".
¡¡FORA CACIQUES!!
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto