Edición xeral
Máis de de dous mil rapaces enchen as pontes sobre o Miño para reivindicar as Tradicións Orais Galego-Portuguesas
Ponte nas Ondas inicia así unha nova campaña para lograr o recoñecemento de Patrimonio Inmaterial da Humanidade
Os mozos e mozas das dúas beiras do Miño uníronse este venres para poñerlle voz e rostro ao patrimonio inmaterial galego-portugués. Convocados por Ponte nas Ondas, os alumnos dos colexios da zona encheron a Ponte da Amizade entre Vilanova da Cerveira e Goián (Tomiño) e a de Tui. Con estes actos, os máis novos reclamaban unha nova oportunidade para a Candidatura das Tradicións Orais Galego-Portuguesas
Tamén en Salvaterra e Monçao voaron os globos e formouse unha cadea ao longo da ponte. Máis arriba, o presidente da Cámara de Melgaço acompañou na ponte a cadea formada por alumnado de centros educativos de Melgaço, Arbo e As Neves.
Ponte...nas ondas ! inicia desta forma as accións de petición aos respectivos gobernos para que a Candidatura do Patrimonio Inmaterial Galego-Portugués sexa inscrita na futura Lista Indicativa do Patrimonio Inmaterial Humanidade que se fará pública en setembro de 2009.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto