Edición xeral
A Audiencia Nacional chama a declarar aos imputados na queima dunha imaxe do rei
O xuíz Grande Marlaska interrogará o 29 de xaneiro a tres das catro persoas detidas o pasado 6 de decembro por un presunto delito de "inxurias á Coroa".
Tres dos catro militantes de NÓS-UP detidos o pasado 6 de decembro en Vigo, acusados de queimar un boneco-retrato do rei, recibiron este venres unha citación xudicial para o vindeiro 29 de xaneiro na Audiencia Nacional española.
O xuíz Grande Marlaska vailles tomar declaración polos feitos acontecidos tras a manifestación convocada pola iniciativa autodeterminista Causa Galiza en contra da constitución española, e que poderían constituír un delito de "inxurias á Coroa".
Nun comunicado enviado aos medios, NÓS-UP denuncia que as "instancias oficiais españolas pretenden xudicializar a libre expresión das ideas soberanistas e republicanas".
Ademais, anuncia "a inmediata activación dunha campaña solidaria coa causa do exercicio da liberdade de expresión neste Estado sen dereito chamado España", para o que convocan aos "simpatizantes das diferentes sensibilidades e correntes da nosa esquerda nacional, a facer fronte común".
O 29 de xaneiro, varios buses dispostos por NÓS-UP partirán de Galiza cara a Madrid co fin de realizar unha concentración solidaria cos imputados -que poderían ser condenados a entre seis meses e dous anos de cárcere- fronte ao edificio da Audiencia Nacional española.
Comentarios (5)
Sí, señor, a ver si les meten un buen paquete y con la pasta compramos unos cuantos retratos de Su Majestad el Rey de España, Rey de Galicia. Pardillos...
Como lle escoitei a alguén: Se eu queimo unha carta, que ten un sello do monarca, podo ir ó carcere? Que o expliquen os xuices, máis que nada pra saber ata onde chega o esperpento.
Ós administradores de Vieiros:
Comecei fai varios anos lendo as novas neste sitio web, pero dende fai ben de tempo deixei de ler as novas para, simplemente, buscar comentarios deste carismático e entrañable usuario que é Gaviotero. Os seus comentarios animanme o dia e danme forzas para vivir.
Por favor, señores administradores de Vieiros, xa vai sendo hora de que a tan distinguido usuario denlle un premio a mellor animador sociocultural da páxina, levantenlle unha estatua, dediquenlle unha placa...
Sinceiramente..., mereceo, por incombustible.
Long Live Gaviotero¡¡¡¡ Gaviotero for president¡¡¡
P.D.: Eu non quero ser feliz, quero ser Gaviotero¡¡¡
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto