Vieiros

Vieiros de meu Perfil


Máis Alá

Xestionado por Vieiros
RSS de Máis Alá
No seu 100 aniversario, en Lalín

Reclaman que Laxeiro ocupe "o lugar que merece" na cultura universal

Máis de 200 intelectuais galegos xuntáronse na súa vila para facerlle unha homenaxe ao xenial pintor do Deza, que este sábado faría un cento de anos.

Redacción - 19:00 23/02/2008

Ao tempo de lembrar a figura de Laxeiro, os presentes na homenaxe reclamaron que a "súa obra indiscutíbel" ocupe "o lugar que merece no ámbito cultural español e universal".

Os asistentes, ademais, describiron un retrato humano e próximo do artista, cheo de anécdotas de quen o coñeceu e o tratou, e referencias ao seu carácter artístico, do que Isaac Díaz Pardo, tamén presente na cerimonia, dixo era parecido "en amor a Galiza e tendencia universalista" ao de Castelao.

Para que o 23 de febreiro sexa declarado "Día da Arte Galega"
Esta foi a principal reivindicación do presidente de Deputación de Pontevedra, Rafael Louzán, quen subiu á palestra para falar da figura de Laxeiro, como o fixo o ministro español de Cultura, César Antonio Molina, quen lembrou, polo seu lado, as conversas que "adoptaba manter" no Café Gijón co pintor.

A conselleira de Cultura e Deporte Ánxela Bugallo, tamén presente, eloxiou que Laxeiro fose sempre un "pintor moi enraizado no seu país" e que, de xeito "autodidacta" conseguise fusionar "o máis clásico galego con máis universal".

Após ler un poema escrito para o pintor por Antón Lamazares, o acto de homenaxe terminou coa actuación do gaiteiro Xosé Manuel Budiño e a cantante Uxía Senlle, na memoria de Laxeiro.


3.5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: