Vieiros

Vieiros de meu Perfil


Edición xeral

RSS de Edición xeral
En solidariedade con Ecuador

Nicaragua racha as relacións con Colombia

Durante o anuncio, o presidente nicaraguano, Daniel Ortega, expuxo que non está satisfeito coa resolución da OEA e agarda que se faga "unha condena clara ao crime".

Redacción - 09:00 07/03/2008

"A ruptura non é co pobo colombiano, co que temos relacións históricas é unha gran identificación", explicou o presidente de Nicaragua, Daniel Ortega, "son un pobo irmán". Así, Ortega aclarou que se trata dunha decisión tomada "en solidariedade co pobo ecuatoriano". A noticia xurdía despois da xuntanza que o mandatario nicaraguano tiña co presidente ecuatoriano, Rafael Correa.

"Con quen estamos rachando é coa política terrorista que practica o goberno de Álvaro Uribe", dixo Ortega. De paso, o executivo nicaraguano fai público o seu desacordo coa resolución da Organización de Estados Americanos, a OEA, que se ben recoñecía esta semana que Colombia "violou a soberanía ecuatoriana" ao atacar as FARC en territorio estranxeiro, tamén evitou condenar o goberno colombiano por este motivo.


4.5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: