Putin non ocupará o lugar de Marx
Unha comisión da Duma rexeitou a proposta de erixir un grandioso monumento en honor de Putin que subtituiría á estatua de Marx na Praza do Teatro.
"Deixemos a cuestión para as xeracións vindeiras", sentenciou o presidente da comisión, Lev Lavrenov: "nos países civilizados a importancia das figuras públicas e políticas determínase 50 anos despois de que deixen o seu posto". Semen Perfilyev propuxera construír un inmenso monumento en honor de Vladimir Putin para ofrecerllo como homenaxe no seu 55 cumpreanos, e como agasallo do país "polos seus logros". Propoñíase ademais erixilo na Praza do Teatro (no lugar hai tres grandes teatros, entre eles o Bolshoi), no lugar que agora ocupa unha estatua de Carlos Marx, debido a que, en palabras de Perfilyev, "Marx non era ruso".
Perfilyev presentou varios proxectos, entre eles unha gran escultura en bronce de Putin que repousaría sobre un arco de mármore e unha esfera de prata. A esfera, de 25 metros de ancho, representaría o hemisferio norte, e nela detallaríse o perfil de Rusia e outros países. Na estatua de Putin, o dirixente ruso aparecería vestido cun amplo impermeábel e un rolo de pergamiño na súa man: "o Plano Putin", segundo a proposta.
Comentarios (4)
É de presuntuosos erixirse estatuas en vida ou rúas como fixo Paco Vázquez.
Miúdo individuo o Putín ese.
E miúdos cidadáns os rusos que elixen a individuos como ese e, por exemplo, o novo presidente que acaban de elixir, da liña do putón de Putín, o cabeza dos responsables do actual e mafiso réxime, dos que envelenan con polonio e dos que cometen atrocidades en Chechenia, sen respetaren os dereitos dos pobos.
quixen dicir, por suposto, "mafioso" réxime.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto