Vieiros

Vieiros de meu Perfil


Edición xeral

RSS de Edición xeral
ERRADICACIÓN DO CHABOLISMO

Touriño apoia o plan de Quintana para integrar o colectivo xitano

Afirmou que a proposta do vicepresidente do Goberno "abre o camiño á integración".

Redacción - 17:44 27/03/2008
Touriño, esta quinta feira tras o Consello de Goberno

Touriño, esta quinta feira tras o Consello de Goberno

O xefe do Executivo, Emilio Pérez Touriño, considerou esta quinta feira que a proposta do vicepresidente, Anxo Quintana, para integrar mediante "poboados de transición" os colectivos xitanos chabolistas "abre o camiño á integración".

Ao finalizar o Consello de Goberno desta semana, Touriño salientou que o informe presentado por de Quintana é unha aposta "pola mellora da convivencia". No entanto, advertiu da "dificultade e complexidade" da problemática. En Galiza hai aproximadamente 10.000 persoas de etnia xitana, un 30% en situación de chabolismo. A media estatal é do 20%.

A Xunta traballa "coa prudencia e sensibilidade imprescindíbel" para tratar este tipo de situacións, afirmou, e apelou á "sensibilidade, moderación e mesura" e a afastarse "da instrumentalización e da axitación". Ademais, anunciou que o Goberno servirá de mediador, "sen invadir competencias dos concellos", nos casos de conflitos.

Respaldo da Asociación Pobo Xitano
Por outra banda, o presidente da Asociación do Pobo Xitano, Sinaí Giménez, tamén dixo estar de acordo coa proposta da Vicepresidencia. "Non se pode levar a estas familias a un hotel, se non os levan a pisos porque non queren os veciños haberá que buscar vivendas provisionais de madeira que axuden a liberar a tensión social", afirmou, e engadiu que "non vai supoñer a creación dun novo gueto, porque este xa existe".


4.75/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: