Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
VENRES 18, 23 H, ATENEU POPULAR DE 9 BARRIS

Unha viaxe ao mundo do cinema doméstico en Súper 8

A iniciativa coruñesa Lili Films presenta "Viaxe a un mundo doméstico" en Barcelona da man de Rede.cat e o Ateneu Popular de 9 Barris.

Xabier Paradelo - 18:15 12/04/2008

Este traballo documental do dúo coruñés de Lili Films, Fernando Pujalte e Ángel Rueda, entra no salón dun fogar a través de filmacións domésticas en Súper 8, coa intención de recrear o ambiente dunha proxección caseira na que cada asistente se sinta un membro máis da familia.

A proposta dos membros desta iniciativa, que se teñen definido a si mesmos coma "enfermos do súper oito", recupera filmacións en formato Súper 8 mm, o tomavistas, bobinas que quedaran esquecidas en fallados e armarios. No seu labor de pescuda e recuperación, teñen atopado perlas como una película doméstica dos anos cincuenta sobre a recollida do berberecho, rodada en Noia, ou filmacións das fochancas da Nacional VI en 1974, feitas para denunciar o estado das estradas galegas.

Os seus documentais, como a antoloxía "El cielo del Súper 8"(2007) ou "Vidas con hongos"(2007), unha reflexión verbo da restauración de celuloide, teñen sido proxectados en Galiza e noutros xeografías, como no Festival Internacional de Cine de Las Palmas, onde tamén presentaron no mes de marzo o documental que agora traen a Barcelona.

Lili Films tamén se dedica a realizar filmacións propias cos seus tomavistas, como os documentais "A matanza", "A rapa das bestas" ou "Moción de censura", este último en relación a política municipal no concello de Sada. Os seus traballos son proxectados cunha banda sonora e cunha escenificación ideadas á mantenta para cada sesión.

Segundo anuncian os organizadores da presentación, o espectáculo pretende encher o público de humor e celuloide, deleitar a vista e o ouvido, nun ambiente doméstico no que a bata e as zapatillas serán fundamentais.

Presentación do filme "Viaje a un mundo doméstico", de Lili Films

Ateneu Popular de 9 Barris
C/. Portlligat, 11, Barcelona

Venres, 18 de abril, 23 h

Entrada: 3,5 €

Organiza: Rede.cat, Ateneu Popular de 9 Barris


Ligazóns

4.43/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: