Edición xeral
O Claustro da UDC rexeita por unanimidade a subida de taxas
Considérana un "elemento de exclusión que redunda na desigualdade" e que leva "unha privatización encuberta".
O Claustro da Universidade da Coruña (UDC) opúxose esta quinta feira por unanimidade á subida das taxas de matrícula do Sistema Universitario Galego no curso 2007-2008, xa que considera que supón "un elemento de exclusión que redunda na desigualdade de oportunidades ao acceso e a continuidade na universidade".
Os membros do Claustro abordaron o tema a petición dos estudantes, e declaráronse "en contra" por supor unha "carga" para as familias que, ademais de "discriminar e penalizar" aos estudantes, non supón un incremento nas bolsas, nin a mellora da calidade dos servizos e leva "unha privatización encuberta".
Os representantes dos estudantes, profesores e persoal de administración e servizos da UDC aprobaron nun texto conxunto onde solicitan que o financiamento das universidades -"públicas e de calidade"- se sustente nos orzamentos xerais. Xa que logo, instaron á administración a "tomar medidas para frear a subida".
Neste senso, os Comités Abertos de Escola e Facultade (CAF) convocaron unha folga para o 29 de abril nos sete campus do país, para "evitar" que a Consellaría de Educación "volva decretar unha subida de taxas".
Novas relacionadas
Comentarios (1)
Alégrome!. Os pagos que chegamos a facer na matrícula xa son moi elevados. Amais, todo o sistema (normas de matricula+prezo por crédito+ sistema de concesión de becas) supón unha inxusta penalización para quen decidimos ou necesitamos traballar nametres que cursamos estudos e favorece a xente 'ociosa' que case lle dan todo feito/pago/enchufado.
Agora, a UDC debia ir pensando en acabar con cousas como que alguén apareza na lista de 'concedidos' a determinada beca cando nin sequera realizou os trámites oportunos de solicitude. Por exemplo.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto