Vieiros

Vieiros de meu Perfil


Galego.org

Xestionado por Vieiros
RSS de Galego.org
TRISTAN NITOT DESCÚLPASE

Mozilla rectifica e a tradución de Firefox será oficial

O Centro de Referencia de Software Libre Mancomún coordinará a versión en galego do navegador libre máis popular.

Redacción - 10:30 26/05/2008
Tristan Nitot publicou unha rectificación no seu blog

Tristan Nitot publicou unha rectificación no seu blog

Despois das súas polémicas afirmacións en Barcelona, Tristan Nitot rectifica e anuncia que haberá versión oficial do navegador Firefox na nosa lingua. O presidente e co-fundador de Mozilla Europa dera a entender a semana pasada que non había interese dos galegos en ter unha tradución do software.

A reacción dos grupos de tradutores non se fixo agardar e, co apoio da Consellaría de Innovación e Industria e o Centro de Referencia e Servizos de Software Libre de Galiza (Mancomún), puxéronse en contacto con Nitot, que xa publicou unha rectificación no seu blog.

Despois de anos de falta de entendemento con Mozilla e do traballo desinteresado de grupos de persoas que trouxeron o navegador á nosa lingua, xa dende as súas primeiras versións, por fin a tradución ao galego será oficial e aparecerá na web de Mozilla xunto ás outras versións.

Na web de Mancomún publícase un resumo de todo o proceso de contacto con Nitot e mais unha reportaxe sobre como funciona a tradución de software á nosa lingua.


4.6/5 (10 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: