"A discusión sobre o futuro do libro é arcaica: O futuro é internet"
O seu poemario 'Construcións' naceu sendo un blog no que o autor rexistraba día a día o proceso creativo.
Eduardo Estévez soubo este martes pola mañá que gañara o Premio 'González Garcés'. Deulle tempo a anuncialo no seu blog e pouco máis; dende o mediodía o seu teléfono non deixou de soar: parabéns e entrevistas. "A miña xefa vaime matar", di, aínda que non especialmente preocupado. Un día é un día e un peso gastouse.
De que falan estas Construcións?
Os temas son os mesmos de sempre. Son pequenas historias, cun estilo bastante narrativo, aínda que fixando a mirada lírica no pequeno detalle. En realidade os poemas parten de aí, da graza que supón atopar ese detalle sobresaliente na realidade cotiá, e esa descuberta dá lugar a unha reflexión posterior, que é moito máis ampla.
O poema créao o lector?
Si, evidentemente. Eu non pretendo dicir verdade ninguha, non creo que iso sexa posible. Non pretendo, sequera, comunicar. Como dicía Maiakovski, a 'comunicación' non existe, é imposible.
Construción naceu no blog enconstrucion?
Si, o libro comezou a construírse alí. O obxectivo era amosar en directo a evolución do libro, o proceso creativo, que a xente fose lendo os poemas e participase coa súa opinión. Así e todo, no blog está apenas unha parte pequena do poemario e do proceso, porque deixei de escribir nel nun momento dado, cando comecei a pensar na posibilidade de publicar o libro.
Esa visibilidade influíu no proceso creativo?
Non influíu realmente, porque aínda que o blog tivo moitas visitas, a participación da xente foi moi baixa.
Recuncarás?
Foi unha experiencia abondo interesante, e si que me gustaría retomala. De feito, tamén teño a intención de publicar no blog a parte do proceso de creación que finalmente non publicara.
Cal é o futuro do libro, nun escenario no que internet convértese no centro da comunicación?
A discusión sobre o futuro do libro é arcaica. O libro está morto, cando menos tal e como o coñecemos, en papel. O futuro do libro está en internet, e negalo é non ver a realidade.
Comentarios (2)
Bobagens. O presente é a internet. O futuro nem se sabe o que trazerá a internet.
Mas livros em bom papel haverá quando todos os formatos que hoje conhecemos, mais todos os que levamos vinte anos conhecendo já não sejam nem legíveis nem circulem por parte alguma.
A internet é o presente, como bem diz Evazsou. E o livro está vivo e bem vivo. A indústria da edição é que está num momento difícil, de crise, mas como muitos outros sectores económicos, como a própria sociedade.
Eduardo Estévez envia textos a um certame literário com prémio em dinheiro, capital simbólico (a consideração de ter ganho um dos prémios mais conhecidos na Galiza no panorama literário actual), e com edição de livro em papel. De estar o livro "morto", Eduardo Estévez rejeitaria a edição em papel ou teria a referência ao livro em papel como algo menor, "morto", mas, na verdade, a publicação do livro em papel é para ele de uma importância imerecedora do adjectivo "morto", pois refere "cando comecei a pensar na posibilidade de publicar o libro". Quer dizer, exactamente como antes da internet, o autor pensa na edição em papel, embora os textos estejam escritos e publicados na internet. Ele próprio não tem claro a ilusória morte do livro em papel.
Além disso, Eduardo Estévez confronta a edição na internet com a edição em papel como antagónicas, como processos que se "matam", daí o adjectivo "morto". Se o livro em papel está "morto" é porque "internet é o futuro", segundo as suas palavras. Confusão de tempos: se o livro ESTÁ "morto" porque o FUTURO é internet, ...que ocupa o presente? O vazio?
Este processo de alienação frente à internet é similar a muitos outros. Internet é uma grande ferramenta, mas compreender a sua necessária utilidade na sociedade actual e futura é compreender que não vem para matar ou substituir nada, mas para criar um novo espaço.
Parabéns a Eduardo Estévez por este prémio, que lhe permitira publicar o seu livro em papel, se é que pensa que isso do livro em papel tem alguma utilidade, para além de ser inútil precisamente por estar morto, como ele diz.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto