Vieiros

Vieiros de meu Perfil


Máis Alá

Xestionado por Vieiros
RSS de Máis Alá
PREMIO DO XURADO

Este ano... a Laponia con A Polo Ghit

A canción do verán galega representará o noso país no eurofestival das linguas minorizadas Liet-Lavlut, que terá lugar na cidade de Luleå.

Redacción - 12:00 28/06/2008
Cartel do certame

Cartel do certame

O grupo gañador do premio do xurado de A Polo Ghit 2008 será o representante de Galiza no Liet-Lavlut, o festival europeo da canción en linguas minorizadas. A edición deste ano terá lugar o 18 de outubro en Luleå, capital da Laponia sueca, organizada pola comunidade Sámi, gañadora do anterior certame.

No caso de que a formación vencedora non poida, por algún motivo, asistir ao festival, cualificado como o Eurovisión das linguas minorizadas, o premio recaerá na seguinte clasificada. Ademais, durante o outono, a Rede Galega de Música ao Vivo contará cunha minixira A Polo Ghit, da que xa se irán coñecendo máis detalles.

Entre tanto, oito novas cancións súmanse ao concurso. A xa estreada o venres A sardiñada, de Los Santos; Crisis 2008, de Santa Crisistina; Churrasco, dos Juanito Broders; P.A.Q.U.I.Ñ.A, de 8bit Crushers; Berro, de Marxe Eskerda; Metro sexual, de Manolo Abuín; Ese Dios teu, de Lizard Crash, e Punteirolo pola escuadra, de Trapos Sucios.

Unha semana máis, a variedade de estilos é a característica dos temas que participan en A Polo Ghit, concurso que xa conta co maior número de candidaturas da súa historia: 53. Na web do concurso pódense escoitar, votar e comentar.


Ligazóns

4.89/5 (9 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: