Vieiros

O arense Álvaro Illobre gañou esta fin de semana o XVIII Campionato Estatal de Tenis en Cadeira de Rodas, ao impoñerse, na final, ao seu eterno rival e compañeiro, o número un do Estado, o catalán Kiku Tur.

Ámbolos dous era os favoritos ao título, e xogaron a final sabendo que xa están clasificados para as Parolimpíadas de Beixín. Hai quince días, nun seu primeiro enfrontamento no Open Internacional Ergosaúde, en Marineda, gañaba Tur, mais esta fin de semana Illobre comezou o partido indo por diante, e o catalán non conseguiu recuperar.

Por outro lado, na final feminina gañou a número un do Estado, Lolo Ochoa, nun partido contra Beatriz Espuig.