Vieiros

Vieiros de meu Perfil


Máis Alá

Xestionado por Vieiros
RSS de Máis Alá
EN BAIONA, NO PAÍS VASCO FRANCÉS

Os Festicultures estarán no peche da xira europea de Manu Chao

O músico galego-francés ofrecerán dous concertos o 30 e 31 de xullo, antes de marchar a América.

Redacción - 14:15 29/07/2008

O mércores 30 e o xoves 31 Manu Chao ofrecerá na Praza de Touros de Baiona, en Iparralde, os derradeiros concertos da súa xira europea. A xira abriuse en galego, cos espectáculos que ofreceu en Monforte e na Coruña en xuño, e pecharase cunha forte presenza do noso país, igualmente. Ao igual que sucedera nos concertos que tiveron lugar no noso país, Manu Chao e Radio Bemba estarán acompañados en Francia por Festicultores Troupe, autodenominados Exercito Gherrilleiro das Festas Armadas (EGFA)

Será a primeira vez que os Festicultores actúen fóra da Península, despois de que o pasado 20 de xullo colleitasen un éxito rotundo no Festival de músiques del món de Tarragona. O EGFA advirte de que anda na procura "de reclutas que teñan moito aguante" e de que só "os mellores aspirantes "poderán pasar as probas e ingresar na lexión festeira".

Os concertos de Manu Chao son o máis destacado das tradicionais festas da localidade, que comezan o 30 de xullo e chegan até o 2 de agosto. Ao igual ca nos San Fermíns de Iruña, as cores máis empregadas son o branco e o vermello, presentes nas roupas de todos os asistentes.


4.71/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: