Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
O EQUIPO CICLISTA MUDA DE PATROCINADOR

Non diga 'Karpin', diga 'Xacobeo Galicia'

Poderemos ver o novo maillot do clube o 26 de agosto, durante a presentación da participación do equipo galego na 'Volta a España'.

Redacción - 17:30 19/08/2008

Foron case dous anos de crecemento e de triunfos, con momentos estelares como os vividos o pasado verán na Volta a España, na que o Karpin GZ en conxunto e o teense Ezequiel Mosquera, tiveron unha actuación excepcional, ou nas vitorias acadadas nesta tempada na Volta a Turquía, a Volta a Catalunya ou na Clásica de Alcobendas. Pero a crise do mercado inmobiliario moveu a Valery Karpin a reducir varios dos seus investimentos, entre eles o realizado no clubr ciclista galego. A sociedade que xestiona o Xacobeo tomará o relevo, garantindo deste xeito a continuidade do equipo.

O 'Karpin GZ' será 'Xacobeo GZ' xa na Volta a España que comeza a semana que vén. En concreto, o martes 26, durante a presentación do equipo que o clube ciclista levará á Vuelta, presentarase tamén o novo maillot, que servirá para comezar a promocionar a celebración do Xacobeo 2010. En concreto, a Fundación Ciclismo Galego, titular do equipo ciclista profesional galego, ten acordado coa Sociedade Anónima de Xestión do Plan Xacobeo o patrocinio do equipo para a "Vuelta Ciclista a España 2008" e até finais da presente tempada.

O padroado da Fundación Ciclismo Galego aprobou no mes de xullo a incorporación dun novo patrocinador do equipo ciclista profesional galego ata finalizar tempada, compatible cos patrocinios en vigor e co visto e prace de Valery Karpin SL., que finaliza o seu contrato no mes de decembro co peche de tempada.


4.64/5 (11 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: