Fuxan os ventos regresa aos escenarios
Un dos grupos máis influíntes na música galega das últimas décadas actuará no Auditorio de Galicia o 18 e o 19 de outubro.
Case dúas décadas despois da súa última actuación, volve o grupo Fuxan os ventos. E farao mediante o espectáculo Terra de soños. Membros da mítica banda de música tradicional galega subirán ao escenario na compaña dalgúns dos seus mellores amigos para reinterpretar algúns dos seus grandes éxitos, tanto para aqueles que viviron a súa época de efervescencia como para novos públicos que medraron coa música de Fuxan os ventos como trasfondo.
O espectáculo, que se vai presentar no Auditorio de Galicia, en Compostela, o 18 e o 19 de outubro, dentro do ciclo Sons da Diversidade, da Concellaría de Cultura da cidade, contará con arranxos de Xosé Lois Romero, quen tamén dirixirá unha banda que servirá de acompañamento. Colaborarán destacados músicos do panorama galego actual, que lle darán un novo aire ás composicións de Fuxan os ventos, cunha mestura entre a canción popular galega e as novas formas de expresión do novo folc.
Fuxan os ventos volve contactar co público nun momento en que se recoñece e se pon en valor a súa achega á cultura galega contemporánea, despois de ter oito discos editados e unha traxectoria de tres décadas.
O grupo fundouse en 1972 co nome de Folk 72, para participar no Festival musical das San Lucas de Mondoñedo. Xusto despois adoptou a denominación de Fuxan os ventos, que era o título da canción coa que gañaron o festival. O seu primeiro disco, do mesmo nome ca o grupo, publicouse en 1976.
Este foi un dos seus meirandes éxitos, Sementeira, que lle deu título ao seu cuarto álbum, publicado en 1978. O tema ten letra de Lois Álvarez Pousa e música de Xosé Luís Rivas Cruz.
Comentarios (18)
Que regresen de novo aos escenarios Fuxan os Ventos é unha grande noticia para a música galega. Parabéns
que escoiten todos estes casteláns falantes.
QUE IMPORTA QUE NOS MATEM SE DEIXAMOS SEMENTE DE VENCER.
Boa nova. Ben por Fuxan os Ventos. Góstanme de karalho.
Será esta unha premonición do q pasará co BNG.
Desde logo, nestes dias volveron repetirse os mesmos de antano: nas primeiras eleccións democráticas do imperio español, o BN-PG obtivo uns resultados absolutamente inesperados, mais eles mesmos cavaron a sua propia tumba, non podendo recuperarse até agora.
Eran tempos de cancións dos Fuxan q falaban de esperanza e ao mesmo tempo de tristeza: hai uns dias un grupo do BNG pedía cambiar a forma de elección do candidato a presidente da nación xusto uns meses antes das eleccións (fosen dous meses ou fosen oito, ainda non se sabía).
Coido q no BNG precisa unha renovación de vellas glorias, expertas en facerse o hara-kiri. Eses tempos xa pasaron, e o BNG ou se adapta ou está condenado a morrer...e miles de galegos detrás.
qué nova tan ilusionante. Moitos de nós ainda non naceramos e só os coñecemos por gravacións. Será para non perdelo. Cántos temas aprendemos da discografía deles como aquelas Encrobas, ...
Benvidos de novo e longa vida.
Avante Fujam! Avante o Téquele-Téquele! ;)
Fuxan os Ventos nunca marchou. Os actuais integrantes do grupo manteñen, supoño que por razóns legais, o vello nome. Está ben que sigan cantando, se así lles presta.
Pero hai que saber que os homes máis coñecidos de "Fuxan", Mero e Mini, continuaron sen interrupcións na música tradicional e na música de afirmación nacional e reivindicativa. E felizmente continúan. Viviños e dando guerra día a día. O seu grupo chámase "A Quenlla" e traballan e cantan e denuncian día a día.
Aínda teño na cabeza a súa actuación en Calo a semana pasada, a beleza e a forza da poema de Celso Emilio "irmaus" "...como un irmau che falo..."
Olá boas, benvidos de novo, Fuxan
5, todo serve para dar tralla ao bng. Falando de hara-kiri, teremos que estar revisando a cotío os acordos e decisións tomadas en asemblea, ou imos aceitar, ao cabo, as decisións da maioría????
Benvidos: Fuxan os Ventos. Escoiteivos en directo por primeira vez aló polo 1.979. ¡Xa pasou moita auga por debaixo da ponte! Todos disfrutamos coa vosa música. Algunha vez sentimos tristura, pero tamén nos axudastes a a ter espranza. Coa aquela "Cantiga de berce" arrolei aos meus fillos: durme meu neno durme que os tempos de chorare van pasando......mira ista lingua de probes......ligua excrava......ista terra non ten odio...ten séculos de espranza....que pon hoxe nos fillos que amamanta.....¡Noraboa! Faredes felices a moita xente. Tamén infelices a outros pouquiños, pero terán que roervos, sobor de todo os castelán falantes que odian ao galego...¡hai.. Gaivota..Gaivota..!o que che espera. Pois a darlle o tequeletequele.¿Imos?
#10 Iso mesmo era o q eu kería dicir, tal vez non me expresei claramente.
En fin, q o país facemo-lo todos dia a dia, e pode-se construír sen destruír.
NOM VAI HAVER NENGUMHA NOVA EM VIEIROS RELATIVA AO FESTIVAL DA POESIA NO CONDADO????!!!!
http://www.scdcondado.org
Durante anos pregunteime que sería daqueles mozos das barbas e daquelas mozas co pelo liso e longo que tiña visto de rapaz na tele. Logo fun atopando discos deles e tamén identificando algúns na súa actividade actual. Sigo emocionandome coas súas cancións que teñen tanto ou mais mais sentido ca antes.
Sen Mini e sen Mero non son Fuxan os Ventos, son un sucedaneo que vai e ven.
E vam cantar a cantiga das Encrobas? eu dirialhes q a adaptaram aos nossos tempos e falaram d Reganosa,do plano acuicola ou do Courel.
estou con http://www.vieiros.com/nova/68...
Xa estamos coas lerias... é que Galiza non se merece ter realidades como A Quenlla (que tamén fun ver a Calo en "Música na Noite") e Fuxan os Ventos (que penso ir ver o día 19)... é que acaso temos que escoller. Cantos grupos se transformaron en outros e iso enriqueceu en vez de empobrecer, fora os motivos que os levaran a ese punto. Eu acollo con ledícia a nova, e non escollo.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto