Edición xeral
en Lugo, este xoves 4
Gran final Nsaio no Camiño
No concerto han actuar os grupos finalistas das cinco categorías en concurso: pop, mestizaxe, novas tendencias, folk e rock.
Redacción - 12:00 04/09/2008
Los Lobos
Este xoves 4 de setembro, no Pazo de Feiras e Exposicións de Lugo, vai ter lugar a fase final do II Certame Nsaio no Camiño. Este concurso musical está organizado pola Dirección Xeral de Xuventude para difundir a cultura musical galega e dar a coñecer aos músicos e grupos noveis da Galiza.
Na gran final do Nsaio, a partir das 21h, han actuar os cinco grupos que resultaron finalistas das cinco categorías a concurso: na categoría pop os vigueses Maryland, a mestizaxe dos Som do Galpom dende A Moniña (Ames), Telémaco de Lugo na categoría de novas tendencias, no folk os composteláns Loba Loo e por último, Sínefres de Boiro na categoría rock. Para pechar esta final, haberá actuación dunha banda histórica: o conxunto latino-estadounidense Los Lobos. Con máis de trinta anos de carreira e unha vintena de traballos na rúa, Los Lobos deron a coñecer a mistura de rock, tex-mex, blues e música do norte de México e posúen un premio Grammy.
Nesta derradeira actuación do certame, un xurado especializado escollera ao gañador definitivo da segunda edición do Nsaio no Camiño. O gañador gravará un disco nun dos mellores estudios do Estado Español, asinará un contrato cunha discográfica estatal e máis un acordo de management. Á parte, o seu traballo será distribuído e promocionado no estado por unha das entidades musicais máis importantes da península.
Sen comentarios
Novo comentario
É preciso que te rexistres para poder participar en Vieiros. Desde a páxina de entrada podes crear o teu Vieiros.
Se xa tes o teu nome en Vieiros, podes acceder dende aquí:
Se xa tes o teu nome en Vieiros, podes acceder dende aquí:
Canais:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto