Vieiros

Morreu a filóloga italiana Luciana Stegagno Picchio, una das principais especialistas en lírica galego-portuguesa medieval de Europa, con arredor de medio millar de traballos publicados na área da cultura de expresión lusófona. A profesora Stegagno era profesora emérita da Universidade de Roma La Sapienza, onde dirixiu durante décadas o departamento de Lingua e Filoloxía Románica.

Os traballos de Stegagno tiveron repercusión alén das fronteiras italianas e contribuíron á difusión da literatura galega, portuguesa e brasileira no mundo. A profesora visitou Galiza en varias ocasións, onde participou en congresos de lingua e literatura. O seu pasamento produciuse na capital italiana o 28 de agosto aos 88 anos de idade. O mundo da cultura do país lamentou a súa morte, do mesmo xeito ca a conselleira de Cultura, Ánxela Bugallo.