Edición xeral
A toxicidade elevada nas vieiras é "consecuencia" da contaminación das rías
O catedrático de Biozooloxía Mariña da USC e director da Estación de Bioloxía Mariña de Ferrol, Vitoriano Urgorri, advirte do perigo da ASP.
A contaminación das rías aumentou nos últimos 20 anos / Foto: Manuel Boo
A contaminación rexistrada nas rías do noso país, cos mellores bancos marisqueiros de moluscos bivalvos, aumentou "exponencialmente" nos últimos 20 anos, e a presenza elevada da toxina 'amnésica' (ASP) nas vieiras é "consecuencia" directa desta, segundo Vitoriano Urgorri.
O catedrático de Biozooloxía Mariña da USC e director da Estación de Bioloxía Mariña da Graña, en Ferrol, apunta ademais que as zonas de maior riqueza produtiva coinciden, precisamente, coas cinco áreas do litoral onde máis se degradou a calidade das augas: Ferrol, A Coruña, Vigo, Pontevedra e Arousa.
O incremento da poboación, a ausencia de depuración dos residuos urbanos, a filtración de fertilizante e outros produtos químicos, así como a actividade industrial e portuaria son os factores que máis contribuíron a esta situación, expuxo Urgorri. A contaminación dos ríos contribúe a agravar esta situación ao desembocaren no mar, sinalou. "Estamos matando a galiña dos ovos de ouro", advertiu en relación á riqueza marisqueira e pesqueira de Galiza.
Trastornos no sistema nervioso
Ademais, o profesor universitario considera que como os trastornos no sistema nervioso que produce a ASP chegan "a medio e longo prazo", os consumidores minimizan a gravidade de inxerir vieira sen ter en conta a súa procedencia. "Pensan que por unha vez que as tomen non pasará nada", apuntou, e engadiu que "a xente consome vieiras da ría alegremente".
Respecto da investigación que se está a levar a cabo estes días, Urgorri sinalou que o ano pasado se soubo dun pedido de 1.500 quilos de vieira fresca, recollida na Ría de Ferrol, para restaurantes de Compostela e das Rías Baixas. Neste senso, reiterou que a única que se pode consumir é a que se extrae das zonas que autoriza o Instituto Tecnolóxico para o Control do Medio Mariño (Intecmar).
Novas relacionadas
Comentarios (12)
Moi lóxiko (Tóxiko-Lóxiko...).
Koidábamos kera o kontrario da bicipersa.
Pois se nestes vinte anos foi todo ao carallo, como estaremos dentro doutros vinte...!
Que fizerom nestes quase quatro anos em matéria de depuraçom de augas? Alguém o sabe? Eu lim e ouvim algo de projectos de depuradoras; mais o mesmo que lia e ouvia desde os tempos de Geránio Fernández Enflor e quando as inauguravam já eram insuficientes.
Nem um peso mais para passeios fluviais nem marítimos enquanto as águas do "País das Mil Cloacas" nom estejam saneadas.
Pregunta de Trivial:
Depura o seu concello a auga do sumidoiro, do cagadoiro, etc. que sae da súa casa?
(Pregúntelle ao alcalde da Coruña, Ferrol, etc. a ver que lle responde)
Koma din Tonhi Vicente. "Isto proba ke minhas vieiras son galegas, da mesma ría de Reganosa"
E cambiando de tema. Comentario muito interesante nunha das noticias relacionadas:
http://www.vieiros.com/nova/68...
"Hai unha memoria da fame nas raiceiras do noso inconsciente. Lembro cando os traballadores da Bazán apañaban as robalizas instaladas ao abeiro dos barcos, papábanas mesmo con sabor a piche. O caso era apañalas de balde e facer compango. A sociedade furtiva existe en todo o mundo.Nalgures é unha variante de lecer para o desocupado, chámese desempregado, sobrevivinte ou veraneante asalariado. Daría para unha reportaxe psicoanalítica pescudar o comportamento furtivo daqueles que veranean na nosa costa, armados de trueiros, salabardos e outros aparellos de cacha.Na Galiza foi sempre una faceta vital bàsica cando non había críticos que apuntaran os problemas sociais e sanitarios.Daquela era o furtivismo unha forma de comunitarismo que tiraba a fame con sacas de berberechos. O furtivismo organizado cando colleita titulares xornalísticos ven ser un novo cenario para as novas roupas do emperador.Quen usa e abusa das vieiras ? Eche como as drogas.A ver, quen foi o último en ir xantar cociña de vangarda?"
Encol da fotografía que ilustra esta nova, non anda alguén a falar do traslado de esta "ecolóxica" empresa a Pontes ou Cerceda?
Contaminación das rías, dos ríos, dos regatos…
Xa o dicía Rosalía "Adiós, ríos; adios, fontes; adios, regatos pequenos;…". Ela se despedía por marchar pero o peor é que nos imos ter que nos ir despedindo deles estando aquí mesmo.
O maior dos problemas é a pasibidade e a pouca importancia que lle seguemos a dar á auga en Galicia.
http://www.galiciasustentable....
Encantam-me alguns comentários:
Encanta-me o humor corrosivo do Bom Káralham, que parece feito de coração de vieira galega.
E também a filosofia do Perezgulim, filosofia teresina sem dúvida, quando insinua que os galegos somos mas já não somos ou estamos prestes a ver-nos partir (pro céu) desde os nossos corpos ainda terrenos, como balões de hidrogénio a se elevarem na atmosfera ou ânimas a se desprenderem das cargas da vida.
E a dos mariscos como berberechos e ameixas tiradas das ZONAS DE MARISQUEO, segundo nomean os cartazes oficiais, que os mopus/cotops actuais teñen sementado na vía da beiramar entre PO e Marín? De qué é consecuencia? Do capital ENCE/ELNOSA pasado pola turbina do €$tado €$pañol, agora con marchamo tamén do goberniño cativo?.
E qué pasa cos mexilóns, todos criados nas rías? Non teñen contaminación? De qué/quenes é consecuencia a mesma?
E nada van acusar os peixes DA RÍA: maragotas, xurelo, xoubas e sardiñas, fanecas...? E logo non teñen toxicidade? e de qué/quenes será consecuencia a sua contaminación?
Qué/quenes son responsáveis? Algún sistema perfectamente incardinado no €$tado, cecais?
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto