Vieiros

Vieiros de meu Perfil


Fwwwrando

RSS de Fwwwrando
SOFTWARE

Xa é oficial: Firefox está en galego

A versión do navegador libre na nosa lingua atópase en fase beta, mais xa está dispoñíbel na web de Mozilla.

Redacción - 13:00 01/10/2008

Anunciárase para arredor do Día da Patria, pero houbo que agardar a que pasase o verán para que a versión do Firefox en galego fose oficial. Na web de Mozilla xa se pode descargar o navegador na nosa lingua, grazas ao traballo dun amplo grupo de persoas voluntarias.

Até o momento, podíase 'galeguizar' o Firefox instalándolle un engadido. Agora xa é posíbel descargar directamente o instalador na nosa lingua. O galego forma parte das novas traducións, polo que se atopa na sección de 'betas', xunto a outros idiomas como o islandés, o hindí, o bengalí ou o tailandés.

Segundo se informara no seu día, a fase beta pode durar arredor dun mes. Despois dese tempo, o Firefox en galego estará xunto ás máis de corenta traducións en diferentes linguas do mundo.


4,67/5 (15 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: