Vieiros

Vieiros de meu Perfil


Edición xeral

RSS de Edición xeral
Relatorio en Bruxelas

O Norte de Portugal presume de irmandade con Galiza na UE

A vicepresidenta do territorio veciño presenta a Eurorrexión e a eurocidade Chaves-Verín como modelos de cooperación transfronteiriza.

Redacción - 09:00 09/10/2008
Ana Teresa Lehmann

Ana Teresa Lehmann

A vicepresidenta da Comisión de Coordinación e Desenvolvemento Rexional do Norte (CCDR-N) de Portugal -ente que, a nivel estatístico, na UE é o equivalente a unha comunidade autónoma- considera que a relación co noso país é un modelo a seguir no eido de cooperación transfronteiriza.

Ana Teresa Lehmann expuxo a súa visión esta cuarta feira en Bruxelas, durante un relatorio da Semana Europea das Rexións e das Cidades que acolle estes días a 'capital' da UE, segundo informan os medios portugueses. Concretamente, a representante da CCDR-N salientou dous exemplos: a Agrupación Europea de Cooperación Territorial (AECT), órgano xurídico da Eurorrexión; e a eurocidade Chaves-Verín, proxecto innovador que procura a xestión compartida de equipamentos e servizos.

"O AECT vai permitir dinamizar con novos folgos e máis eficacia a consecución concreta dos obxectivos definidos no plan estratéxico Galiza-Norte de Portugal", dixo Lehmann, que engadiu que esta "non se limita a proxectos de cooperación transfronteiriza financiados a nivel europeo".

"Profundo enraizamento das comunidades"
Respecto da eurocidade, sinalou que "non nace da nada, non é unha decisión política abstracta, vén do profundo enraizamento das comunidades, é o recoñecemento dunha realidade que xa existe, mais que pode ser profundada".

Lehmann salientou neste senso que tanto o AECT como a eurocidade "están a crear grande interese nas rexións europeas. "Estamos a ter moitos eloxios porque recoñecen que a cooperación Galiza-Norte de Portugal é das mais interesantes de Europa", apuntou, e recordou que en 2007 o 48% dos pasos transfronteirizos entre os estados portugués e español produciuse na Eurorrexión.


4,86/5 (14 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: