Vieiros

Vieiros de meu Perfil


Edición xeral

RSS de Edición xeral
AUTOGOBERNO

O executivo español desaira outra vez a Galiza negándose a ceder Tráfico

A ministra de Administracións Públicas afirmou este venres en Vigo que as competencias seguirán a ser do Estado "a curto e a medio prazo".

Redacción - 19:00 24/10/2008
A Garda Civil seguirá asumindo o control das estradas

A Garda Civil seguirá asumindo o control das estradas

En 1983 a Ertzaintza asumía as competencias de Tráfico e en 1998 comezaban a asumir estas funcións en Cataluña os Mossos de Esquadra. Porén, Galiza semella ser para o goberno español neste asunto unha comunidade de segunda. Ao executivo estatal parece non importarlle demasiado a petición unánime que fixo o Parlamento de Galiza en decembro do ano pasado.

A ministra de Administracións Públicas, Elena Salgado, foi a encargada de facer o desaire este venres en Vigo. Nunhas declaracións á chegada do Congreso Federal de Política Municipal do seu partido, a ministra asegurou que antes de fin de ano estarán transferidas as competencias pendentes en materia cultural e educativa. Porén, deixou ben claro que o goberno español non ten previsto ceder Tráfico nin a curto nin a medio prazo. Citando ao ministro de Interior, Alfredo Pérez Rubalcaba, asegurou que “non vemos relación entre un aumento da seguridade e a transferencia desta competencia”.

O anuncio da ministra ten lugar unha semana despois de que o PSOE lograse o apoio decisivo do BNG para sacar adiante os orzamentos estatais. Na negociación, a parte nacionalista puxo enriba da mesa a competencia de Tráfico, cuestión que os negociadores socialistas se negaron a asumir.


4.2/5 (10 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: