Vieiros

Vieiros de meu Perfil


Máis Alá

Xestionado por Vieiros
RSS de Máis Alá
En Compostela

Forges, estrela convidada no V Encontro Galego da Ilustración

O debuxante vén invitado pola Asociación Galega de Profesionais da Ilustración. Tamén a directora de publicacións da Editorial Everest Galicia, Irene Penas.

Redacción - 10:20 25/10/2008

Antonio Fraguas, Forges, é "a historia viva do humor gráfico español", polo que é este sábado a "estrela convidada" no V Encontro Galego da Ilustración, segundo contan dende a organización, a AGPI (Asociación Galega de Profesionais da Ilustración). O debuxante e humorista, de raíces galegas, abordará diferentes temas da súa labor na prensa e como ilustrador nunha charla á que titulou "Debuxo... Logo existo" na que, partindo da súa experiencia de moitos anos como profesional do sector, explicará a composición do seu particular universo e do seu estilo único.

Tamén está convidada ao encontro a directora de publicacións da Editorial Everest Galicia, Irene Penas, que falará, baseándose na súa experiencia, de cuestións relacionadas coa produción do libro infantil e xuvenil.

O V Encontro Galego da Ilustración, que xuntará a máis dun cento de ilustradores de todo o país, comeza ás 10:00 horas deste sábado na sede da Fundación Caixa Galicia (Rúa do Vilar, 19), en Compostela.


Ligazóns

4.67/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: