Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
FÚTBOL SALA FEMININO

O Pavillón Ourense, á procura da Copa de Europa

A competición estase a desenvolver na cidade italiana de Bérgamo, e prologarase até o vindeiro sábado día 8.

Redacción - 19:50 06/11/2008
Cartaz do campionato

Cartaz do campionato

O equipo ourensán está a participar na Copa de Europa, organizada de forma conxunta pola Federación Italiana de Fútbol Sala e a Federación Europea de Fútbol Sala. No torneo participan oito equipos de diferentes procedencias como Italia, Ucraína, Rusia, Armenia, Galiza e un equipo australiano que tamén foi convidado á competición.

As galegas afrontan este xoves o último partido da fase de grupos, mediante a que se determinarán os emparellamentos das últimas roldas. O Pavillón venceu os dous primeiros partidos con cómodos marcadores. Na primeira xornada gañaron ás Dolphins de Sydney por 9-1 e na xornada seguinte fixeron o propio coas ucraínas do Sevastopool, ás que venceron por un claro 13-4. No último partido enfrontaranse ao San Pietroburgo ruso, este xoves a partir das 21:00 horas, no centro deportivo Italcementi de Bérgamo.

O venres xogaranse os primeiros partidos da rolda eliminatoria e o sábado disputaranse os catro últimos partidos cos que se definirán as posicións dos oito equipos en competición. A final será ás 21:00 horas.


4/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: