Vieiros

Vieiros de meu Perfil


Máis Alá

Xestionado por Vieiros
RSS de Máis Alá
FRANCISCO CARRACEDO

Para o xerente da Fundación Cidade da Cultura, o proxecto "non ten marcha atrás"

Anunciou que os plans de mantemento do complexo e o seu custe anual se coñecerán ao longo de xaneiro ou de febreiro.

Redacción - 11:45 07/01/2009

O xerente da Fundación Cidade da Cultura, Francisco Carracedo, asegurou que o proxecto "non ten marcha atrás" porque está "definido a nivel arquitectónico e cultural" e iso fará "difícil" unha modificación aínda que se produza un cambio no Goberno da Xunta tralas eleccións do 1 de marzo.

En canto ao custe definitivo do complexo do Gaiás, indicou que está fixado en 475,9 millóns de euros e aclarou que existe unha "marxe de 22 millóns" para financiar posíbeis incidencias "sen incrementar os custes porque están cubertos nesta partida para cubrir gastos". Carracedo anunciou que os plans de mantemento do complexo se coñecerán ao longo de xaneiro ou de febreiro. "Non me vou a aventurar a dar unha cifra", indicou respecto ao custo de devandito plan, que "está moi lonxe" da cifra de 50 millóns de euros que se apunta dende algunhas fontes.

Carracedo sinalou que é "evidente" que 2010 é "un ano fundamental", posto que "non se vai a repetir outro Ano Santo ata 2021". O xerente da fundación pública defendeu que nese ano 2010 haberá catro edificios en funcionamento no complexo, dous na parte norte e dous na sur.

O xerente da Fundación manifestou, así mesmo, a súa confianza en que o apoio do Estado á Cidade da Cultura "chegará", aínda que a fórmula "non está aínda formalizada". Finalmente, Carracedo afirmou que hai "diferenzas enormes" co proxecto herdado do anterior Goberno e que o "único" edifico que "ten unha certa coincidencia" é o Museo da Historia de Galicia.


4/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: