Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
REPITE A EXPERIENCIA DO ANO PASADO

Pontevedra mantense na elite do triatlón europeo

O vindeiro 17 de maio celebrarase na cidade unha proba da Copa de Europa, na que poderemos ver en acción a plana maior do triatlón galego, incluído Gómez Noya.

Redacción - 13:00 09/01/2009
Gómez Noya procurará repetir esta imaxe o vindeiro 17 de maio

Gómez Noya procurará repetir esta imaxe o vindeiro 17 de maio

Xavier Gómez Noya terá o vindeiro 17 de maio a oportunidade de volver correr na súa cidade adoptiva. A portavoz do Concello de Pontevedra, Anxos Rivero, anunciou o evento e engadiu que se realizarán nas vindeiras semanas as primeiras reunións organizativas.

Rivero afirmou que "O Concello quere agradecer á Federación Europea e Española de Tríatlon que volvan confiar en Pontevedra como sede organizadora dun evento de tanta transcendencia social e mediática. Trátase dunha proba máis de que Pontevedra ten capacidade para a organización da Copa de Europa de Tríatlon, e continuará pedíndoa co apoio da Dirección Xeral de Deportes da Xunta de Galicia, ante as instancias pertinentes"

O pai e representante de Gómez Noya xa confirmou a Vieiros que o ferrolán ten a intención de participar na proba, que se celebrará unha semana despois da primeira carreira das series mundiais. O outro gran aliciente para a carreira será ver as evolucións dos novos talentos do triatlón galego, como Óscar Vicente, Antón Ruanova, Aida Valiño, Saleta Castro, Antón Ruanova ou Alberto Trillo.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: