Vieiros

Vieiros de meu Perfil


Edición xeral

RSS de Edición xeral
Masacre en Gaza

A ANP denunciará a Israel por crimes contra a humanidade

O Exército israelí anunciou que está a examinar as queixas recibidas polo uso ilegal de fósforo branco. A OIEA investigará a utilización de uranio empobrecido.

Redacción - 19:00 21/01/2009

A Autoridade Nacional Palestina (ANP), contolada por Al Fatah, constituíu un Comité Presidencial para preparar denuncias contra Israel por supostos "crimes contra a humanidade" cometidos en Gaza, informan as axencias internacionais.

O Comité está presidido polo ministro de Xustiza palestino, Ali Hassan, e recompila información sobre os ataques contra a poboación civil na Faixa durante a ofensiva israelí, informou unha fonte anónima da Organización para a Liberación de Palestina (OLP).

Uso ilegal de fósforo branco
Por outra banda, a canle británica BBC informa que o Exército israelí está a examinar as denuncias sobre o suposto uso ilegal de fósforo branco durante o ataque. A medida chega logo da presión de numerosos grupos de dereitos humanos e das informacións ao respecto nos medios, e unha vez que se retirou por completo da Faixa.

Nacións Unidas tamén asegura que a súa sede en Gaza foi bombardeada por tres proxectís deste tipo. Segundo as normas internacionais, o uso de fósforo branco só está permitido para crear cortinas de fume no campo de batalla.

Armas de uranio

Mentres, o Organismo Internacional de Enerxía Atómica (OIEA) confirmou que investigará as demandas de países árabes sobre o uso de armas de uranio empobrecido. O seu uso non está especificamente prohibido, mais é controvertido polo seu alto poder de contaminación dos lugares onde impacta.

A apertura dos pasos fronteirizos aos correspondentes e fotoxornalistas e a emisión de imaxes inéditas está a servir para a apertura e desenvolvemento das pescudas.

Máis de 1.400 palestinos morreron, uns 5.500 resultaron feridos e miles perderon o seu fogar na operación militar israelí, que se iniciou con bombardeos aéreos o 27 de decembro, e que continuou cunha invasión terrestre.


5/5 (7 votos)

Novas relacionadas


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: