Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
BALONCESTO, LEB OURO

O recuperado Rosalía recibe un embalado Breogán

O multiusos do Sar acollerá este venres un emocionante encontro entre dous equipos que chegan no seu mellor momento da tempada.

Redacción - 18:30 13/02/2009
Imaxe do partido da primeira volta

Imaxe do partido da primeira volta

Este venres o multiusos do Sar é o escenario dun emocionante encontro entre os dous mellores equipos de baloncesto masculino que hai hoxe en Galiza. O Rosalía recibe dende as nove da noite ao Breogán, nun partido correspondente á 20ª xornada da Leb Ouro.

Os composteláns chegan ao encontro no seu mellor momento da tempada, despois de tres grandes partidos nos que sumaron dúas vitorias. Aínda así o gran favorito segue sendo o Breogán que chega ao partido na fura de diante, tras gañar os últimos cinco partidos de liga.

Actualmente o Breogán ocupa a segunda posición, con 14 vitorias en 19 partidos, mentres que o Rosalía segue último mais agora empatado co penúltimo a tres vitorias. Os locais tratarán de facer valer o seu bo momento e servirse do apoio do seu público para vencer ao equipo que está en mellor forma da categoría.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: